UEFA ka përcaktuar dhe shtruar kalendarin e fazës mbyllëse të Ligës së Kampionëve.

Ashtu siç është përfolur, UEFA e ka ratifikuar këtë ide në mbledhjen e sotme të Komitetit Ekzekutiv, përcjell lajmi.net.

1/8 e Ligës së Kampionëve do të zhvillohet në 7 dhe 8 gusht me ndeshjet e mbetura si Juventus – Lyon, Barcelona – Napoli, Manchester City – Real Madrid dhe Bayern – Chelsea – por ende nuk dihet nëse do të luhet në qytetet përkatëse ose në Portugali.

Më pas, mes datës 12 dhe 23 gusht do të luhet ‘Final Eight’ në Lisbonë: çerekfinalet mes 12 dhe 15 dhe gjysmëfinalet mes 18-19. Finalja më 23 gusht 2020.

Shtypi zviceran në gjuhën gjermane vlerëson sot presidenti i SHBA-së Donald Trump dëshiron të arrijë poenë në zgjedhjet e ardhshme presidenciale duke pajtuar Beogradin dhe Prishtinën, dhe pyet nëse Serbia do ta njohë Kosovën dhe nëse do të ketë një shkëmbim territoresh.

Gazeta zvicerane Neue Zürcher Zeitung shkruan se për një kohë të gjatë ka qenë e qartë se qeveria Trump dëshiron të bëjë hapa të dukshëm në marrëdhëniet e ndërlikuara Beograd-Prishtinë me çdo kusht dhe shpreson që me këtë sukses të politikës së jashtme, të marrë ‘erë në shpinë’ për fushatën e ardhshme zgjedhore.

Presidenti i Serbisë, Aleksandar Vuçiç, deklaroi se nuk e di se cila do të jetë tema e bisedimeve të delegacioneve të Beogradit dhe Prishtinës në Washington më 27 qershor, (AA).

Ai tha se pret që bisedimet të jenë racionale dhe pragmatike.

Siç theksoi ai, Serbia është e vogël për të “urdhëruar Shtëpinë e Bardhë”, por mjaftueshëm e madhe që të thotë se cilat interesa dëshiron t’i mbrojë.

Ai theksoi se të gjitha pesë kushtet e Kryeministrit të Kosovës Abdullah Hoti, janë të papranueshme për Beogradin dhe se nëse kjo është e gjitha që ka për të thënë pala shqiptare “më mirë të mos vijnë në bisedime”.

Vuçiç tha Serbia për “Vidovdan”, më 28 qërshorë nuk do të njohë pavarësinë e Kosovës.

Për herë të parë që nga pas lufta është hapur korridori ajror ndërmjet Kosovës dhe Shqipërisë, falë një marrëveshje që është arrit sot ndërmjet Agjencisë së Shërbimeve të Navigacionit Ajror(AShNA) dhe Albcontrol.

Kjo marrëveshje falë edhe mbështetjes së NATO-s, është vlerësuar si një e arritur e madhe ndërmjet Kosovës dhe Shqipërisë për hapjen e trafikut ajror, që do të jetë e dobishme për të dyja vendet.

Drejtori i AShNA-së, Bahri Nuredini tha se është arrit një letër-marrëveshje për hapjen e korridorit ajror ndërmjet Tiranës dhe Prishtinës, që sipas tij marrëveshja është si pararendëse e takimeve të shumta të cilat janë udhëheq nga NATO-ja.

Nuredini pret që përveç shkurtimit të kohës së udhëtimit me aeroplan, do të ulet edhe kostoja e fluturimeve.

“Benefitet e funksionalizmit të këtij korridori janë të mëdha për pasagjerët, njëkohësisht edhe për aviokompanitë që do të kenë një kosto më të ulët në operimet vajtje ardhje, ku fluturimet nga Prishtina do të shkurtohen për 15 minuta”, theksoi Nuredini.

Drejtori i ASHNA-s po ashtu pret që sivjet të arrihen marrëveshjet për normalizim të trafikut ajror edhe me Malin e Zi dhe me Serbinë.

“Sigurisht NATO dhe KFOR-i kanë qenë shtytësit kryesor për t’u arrit kjo marrëveshje për normalizimin e hapësirës së ulët ajror me shtetet në rajon, në këtë rast edhe me Shqipërinë. Marrëveshja do të na mundësoj në hapat tjerë që kemi ne si AShNA për arritjen e marrëveshjes edhe me autoritetet e Podgoricës dhe Beogradit, ku besoj që së shpejti brenda vitit edhe këto dy marrëveshje të arrihen për hapjen e korridoreve ajrore me shtetet fqinje. Pra, Kosova pas një 21 vjetëve shpresojmë që të përmbyllë këtë proces sivjet dhe presim që Kosova të jetë pjesë e Ballkanit perëndimor për normalizimin e trafikut ajror”, tha ai, raporton kosovapress.

Ndërsa, Dritan Gjonbalaj kryetar i Bordit të Autoritetit të Aviacionit Civil të Shqipërisë tha se Republika e Shqipërisë si faktor i rëndësishëm rajonal ka bashkëpunuar me aleatët e saj për normalizimin e aviacionit në Ballkan, në veçanti për normalizimin e hapësirës ajrore me Kosovën.

Gjonbalaj shpreson që kjo marrëveshje të mos mbetet vetëm në letër, por të zbatohet sa më parë.

“Aviacioni civil është goditur rëndë nga pandemia Covid-19, por kjo ngjarje e organizuar sot dëshmon që ne jemi më të fort se sfidat. Republika e Shqipërisë si faktor i rëndësishëm rajonal ka bashkëpunuar shumë me aleatët për normalizimin e aviacionit në Ballkan, e në veçanti për normalizimin e hapësirës ajrore me Kosovën. Ekspertët tanë kanë punuar me përkushtim që të arrihet kjo marrëveshje në koordinim të plotë me NATO-n dhe me mbështetje të pa rezervë të qeverisë shqiptare. Ne zotohemi, jemi të përkushtuar që kjo marrëveshje të mos ngelet në letër por të zbatohet shumë shpejt për hapjen e korridorit ajror midis Republikës së Shqipërisë dhe Republikës së Kosovës”, tha Gjonbalaj.

Kujtojmë se që nga pas lufta i vetmi trafik ajror i hapur për aviacionin civil ka qenë ai me Maqedoninë Veriore.

Më në fund, rikthehet edhe liga më interesante e futbollit evropian, Premier League.

Pas një pezullimi më shumë se tre muaj për shkak të pandemisë së koronavirusit, sot në Angli luhen dy ndeshjet e para në Premier League.

Spektakli anglez, rikthehet me ndeshjen Aston Villa – Sheffield Utd, ndeshje kjo e cila luhet me fillim nga ora 19:00 ndërsa nga ora 21:15 zhvillohet super-ndeshja ndërmjet Manchester Cityt dhe Arsenalit.

Në Etihad Arsenali ka plot 3 vite që largohet me kokën ulur, fitorja e fundit në kampionat daton në janar të 2015-ës.

Në kampionat në ndeshjet si mysafirë topçinjtë e Londrës e kanë harruar shijen e fitores, 5 barazime dhe vetëm 1 fitore ndaj West Ham-it.

Ndërkohë “Citizens” në ndeshjet në shtëpi i kanë si një armë më tepër me 4 fitore në kampionat, 1 barazi dhe 1 humbje.

Kujtojmë që të gjitha ndeshjet do të luhen pa tifozë

Të gjitha fluturimet e parapara për sot (17 qershor) në Aeroportin e Prishtinës “Adem Jashari” janë anuluar.

“Të dashur udhëtarë, ju njoftojmë se të gjitha fluturimet e datës 17 Qershor 2020 janë anuluar”, thuhet në njoftimin e ANP-së, transmeton Klan Kosova.

“Mirësisht ju lusim që të jeni në kontakt me kompanitë ajrore për detaje tjera!”, theksuan autoritetet e Aeroportit.

Kryeministri i Kosovës, Avdullah Hoti në prag të mbajtjes së takimit në Uashington, ka ftuar liderët politik në një takim të përbashkët.

Këtë e bëri të ditur Hoti në një postim në Facebook.

“Me qëllim të bashkërendimit të qëndrimeve të spektrit politik të vendit, në procesin e dialogut me Serbinë, si dhe në vigjilje të vizitës në Uashington, i ftova liderët partiakë për një takim të përbashkët të Forumit të liderëve, i cili do të mbahet nesër në orën 11:00 në Zyrën e Kryeministrit!”, ka shkruar Hoti.

I dërguari i Shtëpisë së Bardhë për dialogun ndërmjet Kosovës dhe Serbisë, Richard Grenell  njoftoi se pala kosovare dhe ajo serbe do të zhvillojnë një takim në Shtëpinë e Bardhë në Uashington më 27 qershor 2020.

Ndërkaq, përfaqësuesi special i Bashkimit Evropian për dialogun Kosovë-Serbi, Miroslav Lajçak i cili po qëndron në Kosovë, dje pas takimit me krerët e shtetit deklaroi se Bashkimi Evropian është i angazhuar që sa më shpejt të rinis dialogu.

Lajçak shtoi më tej se bashkëpunimi me SHBA-në do të vazhdojë.

“Ne gjithmonë kemi  bashkëpunim të ngushtë me SHBA-të dhe gjithçka që është arritur deri më tani është arritur vetëm në saje të këtij bashkëpunimi. Ky bashkëpunim do të vazhdojë”, tha ai. /Telegrafi/

Amazon France ofroi përkohësisht PlayStation 5 për para-porosi. Çmimi dhe data e lëshimit janë zbuluar.

Javën e kaluar, Sony prezantoi për herë të parë detaje mbi pamjen e PlayStation 5 dhe një numër lojërash për konzolën e ardhshme.

Një pikëpyetje e madhe që mbeti e hapur ishte çmimi i saktë dhe data e lëshimit të konzolës, e cila do të vijë në dy variante.

Tani kishte informacione të reja nga kompania e porositjes me postë elektronike Amazon, transmeton Telegrafi.

PlayStation 5 në Amazon France kushton 499 euro – do të dorëzohet në 20 nëntor.

Këto të dhëna ishin në dispozicion nga dega a Amazon në Francë.

View image on Twitter

Është përfolur shumë herë për çmimet e PS5 më parë dhe ato kryesisht silleshin nga 500 dhe 550 dollarë. /Telegrafi/

Kryeministri i Kosovës, Avdullah Hoti, ka thënë se vendi ynë mund të përfshihet nga vala e dytë e infektimeve me virusin COVID-19.

Hoti ka thënë se në bazë të trendit të ditëve të fundit me raste të reja të infektimeve, ky rrezik është shumë real, transmeton Telegrafi.

“Mund të preken edhe më shumë jetë njerëzish, do të thellohet kriza ekonomike, ndërsa do të stërngarkohet sistemi i shëndetësisë”, ka shkruar Hoti në Facebook.

Kryeministri u ka bërë thirrje qytetarëve që të respektojnë masat mbrojtëse.

“Vendosni maska gjatë gjithë kohës në hapësira publike. Shmangni prekjen e syve, hundës dhe gojës me duar të papastërta. Pastroni dhe dezinfektoni shpesh objektet dhe sipërfaqet e prekura siç janë tavolinat, tastierat, telefonat, parmakët dhe rezat e dyerve. Mbajeni distancën fizike. Nuk lejohet më shumë se 1 person në 8 metra katrorë në lokale.Pronarët e lokaleve janë të obliguar të publikojnë numrin maksimal të lejuar të personave para hyrjes së lokaleve.

Lehtësimi i masave për lëvizje të lirë ka qenë i domosdoshëm, por shfrytëzoj rastin që t’ju bëj thirrje sërish që t’i zbatoni me përpikmëri masat mbrojtëse.

Ne kemi hartuar një ‘Manual për mbrojtje nga përhapja e COVID-19’, ndërsa Ministria e Shëndetësisë në bashkëpunim me Institutin Kombëtar të Shëndetësisë Publike të Kosovës, do të angazhojë rreth 200 profesionistë shëndetësorë që do të monitorojnë zbatimin e këtyre masave”, vijon shkrimi i Hotit.

Ndryshe, deri më tani në vendin tonë me coronavirus janë infektuar 1 mijë e 486 persona, 953 prej tyre janë shëruar, kurse janë regjistruar edhe 33 raste të vdekjes që kanë pasur edhe sëmundje tjera shoqëruese./Telegrafi/

Adnan Merovci, njeriu më i afërt i ish-presidentit Ibrahim Rugova, ka rrëfyer detaje nga libri i tij më i ri “Pengu” në emisionin “Personale” me Krenare Vokshi-Shala në RTV Dukagjini.

Merovci tregon një nga momentet më të rënda të tij kur ja ka treguar Rugovës lajmin për vrasjen e Fehmi Aganit.

Ai thotë se pasi kishin arritur në Itali e kishin kuptuar lajmin se forcat serbe e kishin arrestuar Fehmi Aganin.

Merovci tregon më pas se italianët i kanë treguar se e kanë vrarë Fehmi Aganin dhe se këtë lajm ata nuk ia kishin treguar Rugovës por këtë gjë duhet ta bënte ai.

“Këtë fat të zi e kisha unë. Ishim duke shkuar për në Gjermani. I thashë Kryetarë na kë thënë se edhe nëse gjaku në gju bëhet dikush duhet t’i shtyjë proceset përpara. Më ndërpreu sepse e parandjeu që diçka ka ndodhë:“Adnan lëri këto fjalë më trego se çfarë ka ndodhur”. Thashë ngushëllime Kryetarë. Profesor Aganin e kanë vrarë. Ende pa përfunduar unë më tha: “Mo bre. Ma paskan tha krahun e djathtë”, tregon ai, përcjell Telegrafi.Lexo po ashtu:

Adnan Merovci rrëfen momentet kur ushtria dhe policia serbe morën peng atë dhe Ibrahim Rugovën pasi filluan bombardimet e NATO-s

Adnan Merovci rrëfen momentet kur ushtria dhe policia serbe morën peng atë dhe Ibrahim Rugovën pasi filluan bombardimet e NATO-s

Merovci thotë se pas këtij lajmi Rugova ishte i thyer dhe për tetë orë nuk ka folur e as nuk ka pirë kafe e as ka ndezë cigare.

“Njerëzit që e njohin e dinë çfarë do të thotë të mos pish për tetë orë cigare”, tregon ndër të tjera Adnan Merovci./Telegrafi/