Top-Channel

Tekstet shkollore në gjuhën shqipe për nxënësit e Luginës së Preshevës kanë qenë një “mall” i ndalur për shumë vite. Por që prej disa ditësh tashmë ka një dritë jeshile.

Vetë ministrja e arsimit Besa Shahini në një postim në rrjetet sociale ka deklaruar se pas shumë përpjekjesh, shqiptarëve në Serbi u lejohet përdorimi i librave shkollorë nga Shqipëria.”Nuk ishte e lehtë, por ia dolëm duke bashkërenduar dhe intensifikuar përpjekjet me Këshillin Kombëtar Shqiptar në Serbi” kështu shprehet ministrja e arsimit në Shqipëri, duke lënë të kuptohet se nga shtatori i këtij viti fëmijët shqiptarë në Luginën e Preshevës do të kenë më shumë tekste në gjuhën shqipe.

Ndër vite nxënësit shqiptarë në Serbi janë përballuar me mungesën e librave në gjuhën shqipe, shpesh ato janë siguruar në formë donacionesh por edhe nga shteti i Kosovës, por në pjesën më të madhe janë ndaluar nga autoritetet serbe pa mbërritur në duart e nxënësve.

Gjatë gjithë këtyre viteve nxënësve shqiptarë të Luginës i është dashur të mbajnë shënime, një metodë e vjetëruar që nuk ka qenë në dobi as të nxënësve dhe as të mësuesve, për të mos thënë që një pjesë e teksteve që janë siguruar i takojnë programeve mësimore të viteve 70′.

Por duket se e gjithë kjo situatë do të marrë fund në sajë të marrëveshjes së arritur.

Ragmi Mustafa, Kryetar i Këshillit Kombëtar Shqiptar, Lugina e Preshevës sqaroi se: “Për shkollat e mesme kemi vetëm një tekst mësimor dhe ajo është gjuha dhe letërsia shqipe por nuk kemi tekste të tjera. Për shkollat fillore deri në klasën e 3-të dhe të 7-të i kem të siguruara pothuajse të gjitha tekstet mësimore, them pothuajse pasi kemi probleme me Historinë e Shqipërisë të klasës së 5-të dhe për klasën e 7-të dhe të 8-të. Kemi problem dhe Gjeografinë për klasën e 7-të dhe klasën e 8-të.”- tha Kryetari i Këshillit Kombëtar Shqiptar, Lugina e Preshevës i cili shtoi se kështu i erdhi fundi një diskriminimi sistematik dhe që shkel të drejtat e fëmijëve./Top-Channel

Sepse në ëndrrat tuaja, çdo detaj ka rëndësi

Leave a Reply

Your email address will not be published. Required fields are marked *
You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>