Qeveria e Serbisë ka miratuar një ndryshim në Rregulloren për kufizimin e çmimeve të derivateve të naftës, sipas të cilit diferenca në çmim për shitësit me pakicë të derivateve, përkatësisht pikat e shitjes, është rritur nga 9 në 13 dinarë.
Çmimet e benzinës Eurodiesel dhe Euro Premium BMB 95 do të vazhdojnë të jenë të kufizuara dhe çmimi maksimal do të vendoset nga qeveria, raporton Danas, transmeton Spektri.
Në fillim të dhjetorit të vitit të kaluar, qeveria ngriti marzhin për shitësit me pakicë të derivateve të naftës nga shtatë në nëntë dinarë, pasi shitësit u ankuan se do të duhej të mbyllnin pikat e karburantit për shkak të humbjeve.
Çmimi i Eurodieselit i destinuar për fermat e regjistruara ende mbetet në 179 dinarë për litër.