ADANA, TURKIYE - FEBRUARY 6: A view of destroyed apartment and damaged vehicle in Yurt neighborhood of Cukurova district after the earthquake on February 6, 2023 in Adana, Turkiye. (Photo by Omer Yildiz/Anadolu Agency via Getty Images) Damage and debris are seen in Adana, Turkey on February 6. (Omer Yildiz/Anadolu Agency/Getty Images)
Rajon/Botë

Qindra njerëz humbin jetën nga tërmeti vdekjeprurës në Turqi!

February 6, 2023
Spektri

Një tërmet i fuqishëm me magnitudë 7.8 goditi Turqinë jugore dhe Sirinë veriore të hënën, duke lënë të paktën 500 të vdekur.
Siaps Shërbimit Gjeologjik të Shteteve të Bashkuara (USGS) tërmeti ndodhi pak pas orës 4 të mëngjesit të së hënës me orën lokale – 23 kilometra në lindje të Nurdagi, provincën Gaziantep, dhe në një thellësi prej 24.1 kilometrash.

(Nurdagi ndodhet përgjatë kufirit Turqi-Siri dhe tërmeti u ndje në disa vende të rajonit, duke përfshirë Sirinë dhe Libanin).

Të paktën 284 persona kanë vdekur dhe më shumë se 2,300 janë plagosur në Turqi, sipas nënpresidentit të vendit Fuat Oktay.

Në Siri, të paktën 237 njerëz u vranë dhe 639 u plagosën, njoftoi agjencia shtetërore siriane e lajmeve SANA, duke cituar një zyrtar të Ministrisë së Shëndetësisë.

Numri i përgjithshëm i të vdekurve në Turqi dhe Siri tani është të paktën 521.

Tërmeti është një nga më të fortët që ka goditur Turqinë në më shumë se 100 vjet dhe shkaktoi lëkundje në të gjithë rajonin, duke shembur ndërtesa dhe duke i bërë banorët të vrapojnë në rrugë.

Më shumë se 1,700 ndërtesa u dëmtuan në 10 qytete turke, tha zëvendëspresidenti turk.

Videot e shpërndara në mediat sociale tregojnë dhjetëra ndërtesa të shembura, dhe njerëz duke qëndruar nën qiellin e hapur në motin e ftohtë, me shi dhe borë.

Punonjësit e shpëtimit mund të shihen duke kryer operacione kërkim-shpëtimi, raporton CNN.