Shkarkohet gjyqtarja Sofija Laliçiq

Këshilli Gjyqësor sot shkarkoi gjyqtaren Sofija Laliçiq nga Gjykata Themelore Penale në Shkup.

Laliçiq u përmend në një nga “bombat” e publikuara nga LSDM nga përgjimet masive të paligjshme. Në mënyrë të veçantë, atëherë LSDM-ja opozitare publikoi regjistrim të bisedës së saj me ish-drejtorin e DSK-së Sasho Mijalkov, në një konferencë për shtyp kushtuar situatës në gjyqësor.

Në këtë bisedë u përmend edhe ish-kryetarja e Gjykatës Themelore Shkupi 1 Lidija Nedelkova, e cila gjithashtu u shkarkua kohët e fundit nga Gjykata e Lartë./Telegrafi/