Lideri i VV’së, Albin Kurti, ka thënë se nëse subjekti i tij kthehet në qeverisje, atëherë nuk do të respektojë Marrëveshjen e Uashingtonit të arritur në Shtëpinë e Bardhë më 4 shtator.

Kurti ka thënë se ajo marrëveshje është nënshkruar nga një kryeministër jolegjitim dhe ka thënë se ndërmjetësuesit nuk duhet që të shtyjnë përpara marrëveshje që ndërlikojnë marrëdhëniet në mes të Kosovës dhe të Serbisë.

“Ne nuk kemi detyrime për zotimet e Kryeministrit të paligjshëm të Kosovës kur të kthehemi në detyrë. Nënshkrimi i tij poshtë teksteve jo koherente dhe j transparente është kundër vullnetit të popullit, rendit demokratik dhe shkel kushtetutën dhe ligjet e Kosovës.”, ka shkruar Kurti në Twitter.

“Ato nuk do të ratifikohen në Parlamentin tonë”

“Ndërmjetësit duhet të përmbahen nga nxitja e marrëveshjeve që shkaktojnë përçarje të mëtejshme midis Kosovës dhe Serbisë. Vetëm dialogu parimor dhe i përgatitur mirë çon në marrëveshje të drejta dhe të qëndrueshme”, përfundon ai. /Express/

Kryeministri në detyrë Albin Kurti ka emëruar si këshilltarë politik Nenad Rashiq dhe Aleksandër Stankoviq.

Sipas njoftimit për media, Rashiq, përveç që është emëruar si këshilltar politik, Kurti njëkohësisht e ka emëruar edhe si udhëheqës të Zyrës për Çështje të Komuniteteve.

Ndërkaq Stankoviq është emëruar vetëm si këshilltar Politik i Kryeministrit në detyrë. /Spektri

Presdienti i Kosovës Hashim Thaçi ka dërguar letër kryeministrit në detyrë Albin Kurtit në të cilën i kërkon që ky i fundit të japë një emër që do të jetë mandatar për kryeministër.

Pas kësaj letre ka reaguar nënkryetarja e LVV-së Fatmire Mulhaxha Kollçaku në facebook e cila konsideron këtë situatë si grabitje e pushtetit në kundërshtim me kushtetutën.

“Nga PAN- i te PLAN-i
Grabitje e pushtetit në kundërshtim me Kushtetutën, e pastaj legalizim i veprimit antikushtetues përmes ndërrimit të Kushtetutës”, ka shkruar Kollçaku. /Spektri

Presdienti i vendit Hashim Thaçi ne emisionin “Pressing” zbuloi për herë të parë se çfarë I kishte thënë Kurtit herën e fundit që ishte takuar me të para mocionit.

Më 25 mars Kurti në fjalimin e tij në Kuvend ka thënë që presidenti i kishte kërkuar Kurtit të shkonin në Amerikë dhe atje të bënin marrëveshje duke theksuar se këta ishin të zgjedhurit e popullit ndërsa të tjerët jo.

Sonte Thaçi e pohoi këtë në intervistë dhe gjithashtu shtoi se: “Po, Kurti ka thënë të vërtetën, madje unë I thash merri edhe 2-3 këmisha me vete e hajde me mua”, ka deklaruar Thaçi. /Spektri

Kryeministri Kurti, sonte në KTV ka folur rreth zhvillimeve të fundit në vend.

Ndër të tjerash, Kurti ka folur edhe për prishjen e raporteve me LDK-në.

“Si duket, ata nuk kanë dashur që nga fillimi që të kenë bashkëpunim me ne, edhe pse unë i kam pyetur që nëse s’janë të interesuar që të më bëjnë kryeministër, të më tregojnë dhe mos të mashtrohemi”, ka thënë Kurti.

Tutje, kryeministri ka thënë se LDK-ja nuk ka dashur asnjëherë ta pranojë se është e dyta në zgjedhje, shkruan albeu.

“Gjithmonë kanë dashur që të bëjnë barazi, edhe pse kemi një deputet më shumë. Ne e kemi ditur që në zgjedhje nuk do të kemi diferencë me 20% me LDK-në, por për atë pak diferencë kemi investuar shumë dhe kemi fituar”, ka deklaruar Kurti.

Në fund, ai ka thënë se është Vjosa Osmani ajo që i ndihmoi LDK-së të dilte e dyta në zgjedhje, përndryshe sipas tij, Lidhja Demokratike do të dilte në vendin e tretë sa i përket votave, transmeton Spektri.

Kryeministri në detyrë, Albin Kurti, përmes një video-mesazhi iu është drejtuar qytetarëve duke iu kërkuar respektimin e masave për parandalimin e shpërndarjes së koronavirusit.

Ai ka thënë se qytetarët nuk kanë nevojë të brengosen sepse nuk do t’iu mungojë asgjë të cilën e ka pasur më parë.

“Kosovës nuk do t’i mungojë kurrë, as mielli, as ushqimet tjera dhe asgjë të cilën e kemi pasur më parë. Tregtia po vazhdon njësoj si më parë dhe nga doganat kemi informacion se mallrat që po hynë në Kosovë sa vijnë e shtohen. Mos blini më shumë se sa ju duhen, sepse do t’iu skadojnë pa u konsumuar. Qëllimi ynë është që ta ndalim përhapjen e virusit. Izolimi është masa e vetme që bota e ka për virusin në mungesë të vaksinës”, ka thënë ai, raporton KOHA.

Kurti tutje ka shtuar se duhet kujdes i veçantë këto ditë, ku sipas tij, pritet që të ketë shtim të numrit të të prekurve.

Ai tutje ka shtuar se kjo është situata më serioze që vendi ka pasur që nga lufta.

“Këtë ditë do të hyjmë në muajin që sipas ecurisë që ka pasur ky virus do të mund të kemi shtim të të prekurve nga virusi, e pas këtij muaji do të mund të dalim nga kjo gjendje. Kjo pandemi po na mëson sërish ndjenjën e të qenit bashkë. Ne i kemi marrë masat kufizuese shumë më parë se sa vendet që sot po pësojnë nga ky virus. Që nga dita e parë kemi kërkuar që këtë situatë ta marrim me qetësi e pa panik. Kjo nuk do të thotë se situata nuk është serioze, në fakt kjo është situata më serioze që kemi pasur që nga pas lufta”, ka thënë ai.

Kurti thotë se “si popull ne jemi testuar shumë herë se sa të fortë jemi përpara armiqve të dukshëm e të padukshëm. Të gjithë së bashku duhet të përgatitemi për atë që na pret ditëve e javëve në vijim”.

Ai ka thënë se përveç shëndetit të njerëzve, koronavirusi ka prekur edhe ekonominë, prandaj sipas tij, duhet të përgatiten të gjithë për atë që do të vjen.

“Gjendja është tërësisht nën kontroll. Sot na shtohet edhe besimi që kemi te zhvillimi i mjekësisë dhe të punonjësit e shëndetit publik. Mirëpo kjo nuk duhet të na çlirojë, duhet ta bindim vetën dhe secilin familjar të rrimë në shtëpi. E di se sa e vështirë është të jesh mbyllur, ky është një lloj burgu që rëndohet në stinën e pranverës, teksa rruga e lagjes apo qielli i kaltër ngjajnë si fotografi në dritare. Mirëpo nuk është vuajtje e madhe të kufizohet dalja për një muaj, merreni me humor, sot keni internet i cili iu lidh aq shumë pa lëvizur fare. Nëse dilni ju i rrezikoni familjarët e sidomos të moshuarit”, ka thënë Kurti.

Ai tutje ka përmendur edhe masat të cilat janë marrë në pakon emergjente.

Kurti ka shtuar se roli i solidaritetit mes shteteve dhe organizatave ndërkombëtare po shtohet gjithnjë e më shumë. Ai ka përmendur ndihmën monetare nga BE-ja dhe SHBA-ja.

“Na ka marrë malli për kafe e makiato me shoqëri, por nuk duhet ta paguajmë atë në spital sepse është çmim i shtrenjtë”, ka thënë ai. /TV1

Anton Quni i ka dhënë edhe një mundësi kryeministrit Albin Kurti për ta hequr mocionin.

Ai i kërkoi Kurtit që gjatë pauzës një orëshe të mendohet për të  larguar taksën dhe të kthejë në dëtyrë Agim Veliun.

“Brenda kësaj një ore të keni konsideratë të gjitha vërejtjet e kryetarit dhe LDK-së, dhe jam mëse i bindur që do ta gjejmë zgjidhjen e përbashkët. Ju jeni identifikuar si njeri prapa të cilit ne do të luftojmë krimin e korrupsionin, ende e kam këtë shpresë, por që nga ky moment e tutje çdo gjë varet nga ju. Nëse ju e humbni LDK-në si aleat besnik, nuk e di cila do të jetë e ardhmja, me kënd do të krijoni aleancë, cila do të jetë përspektiva e qytetarëve, por ne nuk po na lejoni mundësi tjetër përpos ta shprehim një mocion”, tha Quni në seancën e Kuvendit të Kosovës. /Spektri

Kryetari i Grupit Parlamentar të Lëvizjes Vetëvendosje, Rexhep Selimi ka mbajtur një konferencë për media pas përfundimit të mbledhjes së Kryesisë së Kuvendit.

Selimi ka thënë se LDK-ja po e Lufton qeverinë Kurti, ndërkaq qeveria është duke e luftuar Coronavirusin, shkruan ekonomia online.

“Kundërshtarët e qeverisë Kurti kanë lidhur aleancë mes vete kurse ne jemi të përqëndruar në luftimin e pandemisë. Grupet Parlamentare të prira nga LDK-ja kërkojnë që nesër të mbahet me seanca me kërkesën e tyre”, ka thënë Selimi.

Ai ka thënë se Kryetarja e Kuvendit, Vjosa Osmani dhe nënkryetarja Arbërie Nagavci kanë votuar kundër mbajtjes së kësaj seance në kushtet të cilat janë.

“Në sallën plenare nuk ka kushte për mbajtje të seancës, dhe në mbledhje të kryesisë 4 vota kanë qenë për dhe dy kundër mbajtjes së kësaj seance nga 6 anëtarët e kryesisë”, ka thënë Seliimi.

Presidenti i vendit, Hashim Thaçi, sot ia ka dërguar edhe një letër kryetarit të Lëvizjes Vetëvendosje, Albin Kurti, ku ka theksuar se është në pritje të përgjigjes së tij, siç kishte premtuar në takimin e tyre konsultativ, por se ende nuk e ka pranuar propozimin e tij.

Pas funksionalizimit të Kuvendit të Republikës së Kosovës, Thaçi i ka thënë se qytetarët e Republikës së Kosovës me të drejtë e presin funksionalizimin e Qeverisë së Republikës së Kosovës dhe presin nga ai si President të dekretoj kandidatin/en e propozuar për Kryeministër.

“Si President i Republikës së Kosovës jam i obliguar që të ndërmarr veprime pa vonesa të mëtejme, duke ndjekur të gjithë hapat kushtetues që qytetarët e Republikës së Kosovës ta kenë sa më shpejtë qeverinë e tyre. Duke marrë parasysh parimet demokratike, transparencën dhe korrektësinë politike, ua kam dhënë mundësinë dhe kam kërkuar në vazhdimësi që ta propozoni kandidatin/en për Kryeministër”, thuhet në letrën që Thaçi i ka shkruar Kurtit.

Presidenti në këtë letër ka theksuar se ka parasysh edhe Pikën 87 të Aktgjykimit të Gjykatës Kushtetuese në rastin nr. K0103/14, e cila vëren “se nuk përjashtohet që partia ose koalicioni në fjalë do të refuzojë të marrë mandatin”.

Në cilindo rast, të pranimit apo refuzimit të mandatit, Thaçi ka kërkuar nga Kurti që ta njoftojë për një gjë të tillë në mënyrë që t’i ndërmarr të gjithë hapat e përcaktuar në Kushtetutë dhe të dekretoj kandidatin/en për Kryeministër për të formuar Qeverinë e Republikës së Kosovës. /Telegrafi/

Elitat politike në Kosovë deri tash “kanë rrëmbyer resurset që u takonin popullit”, ka thënë publicisti Veton Surroi gjatë një interviste për gazetën gjermane Tagezeitung. Këtë, ka shtuar ai, pushteti i Albin Kurtit do të duhej ta ndryshojë.

Negociatat me Beogradin janë prioritet për Prishtinën, meqë “në mes të Serbisë dhe Kosovës as përafërsisht nuk sundon paqja. Lufta nuk ka përfunduar”, ka vlerësuar publicisti i njohur nga Kosova, Veton Surroi në intervistën për berlinezën Tagezeitung. Ai shprehet i bindur se Albin Kurti, kur të bëhet kryeministër, do të përmbushë premtimin dhe fillimisht të analizojë se çka është zbatuar nga marrëveshjet e deritashme në dialogun me Beogradin.

Surroi ka shtuar se një nga pengesat për zhvillimin e Kosovës është edhe “Serbia me politikën proruse, armatimin dhe ndërhyrjet në zhvillimet në Kosovë”

“Këtë e kanë dëshmuar edhe zgjedhjet e fundit në tetor: Beogradi ndërhyri drejtpërdrejti në rrjedhën e zgjedhjeve në veri të Kosovës”, konsideron ky publicist.

Surroi ndërkaq ka thënë se komuniteti serb në Kosovë e kupton se Kurti nuk është njeri i korruptuar.

“Ai e flet sinqerisht atë që e ndien dhe e mendon. Kjo mënyrë e komunikimit është plotësisht e re në Kosovë”.

Pyetjes së gazetares se si është puna “me fantazitë shqiptaromëdha” që vazhdojnë të jenë të gjalla në Vetëvendosje, partinë që e drejton Kurti, Veton Surroi iu përgjigj: “Njëmend më herët flitnin për këtë. Por mendoj se tani fokusi i qeverisë do të jetë që Kosova të kthehet në shtet normal”

Surroi, themelues i mediumit më me ndikim të Prishtinës, Koha Ditore, ka thënë se qytetarët kanë pritshmëri të mëdha nga qeveria që pritet ta formojnë Vetëvendosja dhe Lidhja Demokratike e Kosovës (LDK).

Do të ishte qeveria e parë e Kosovës pa partitë e ish-komandantëve të UÇK-së.

“Tani shtetin e kontrollojnë grupe të ndryshme që shpesh janë në lidhje me krimin e organizuar. Qeveria e re duhet që nga Kosova të krijojë një demokraci parlamentare funksionale”, është shprehur Surroi.

“Elitat politike deri tash kanë rrëmbyer resurset që i përkasin popullit. Ua kanë vjedhur qytetarëve perspektivën në këtë vend”, ka vlerësuar Veton Surroi, transmeton Koha.net