Biblioteka e qytetit “14 Nëntori në Bujanoc ka nisur një fushatë për grumbullimin vullnetar të librave shqip.
Ky është njoftimi i publikuar nga Biblioteka e qytetit.
Njoftim
Organizohet fushatë për grumbullimin e librave për Bibliotekën “14. Nëntori” në Bujanoc.
Në këtë fushtë mund të kontribuojnë të gjithë ata të cilët kanë botimet e veta dhe që dëshirojnë ta pasurojn bibliotekën e qytetit me botimet e tyre.
Kjo fushat organizohet për nder të 7 Marsit, “137 vjetorit të Mësonjëtores në Gjuhën shqipe në Korçë”, me qëllim për të pasuruar fondin e Bibliotekës sonë me libra në gjuhën shqipe.
Kordinatore për këtë fushatë është zonja Sadije Aliti
“Fushatë për grumbullimin e librave për Bibliotekën në Bujanoc Bëhu edhe Ti pjesë e kësaj nisme, dhuro botimet tua!
Miq të nderuar, dashamirë të librit shqip! Vlerësojmë shumë veprimtarinë Tuaj botuese, vlerën dhe cilësinë e botimeve Tuaja, çmojmë lartë kotributin që jepni në sferën e botimeve, andaj u drejtohemi me këtë kërkesë për t’iu bashkuar këtij aksioni vullnetar.
T’i japim një rëndësi të veçantë librit! Në rastin e 7 Marsit, 137 vjetorit të Mësonjëtores në Gjuhën shqipe në Korçë, ndërmorrëm një nismë që të angazhohemi për të pasuruar fondin e kësaj Biblioteke me libra në gjuhën shqipe.
Titujt e botimeve më të reja ti dorëzojmë në bibliotrkën e Bujanocit dhe të pasurojmë fondin e kësaj biblioteke edhe më shumë me libra në gjuhën shqipe.
Bibliotekat kanë nevojë që të rifresokohen e të pasurohen me botime e me tituj të rinj.
Një kontribut modest me librat që ju do t’i dhuroni nga veprimtaria Juaj botuese për Bibliotekën në Bujanoc është një thesar, është një pasuri.
Librat kanë ruajtur dhe ruajnë pasurinë më të rëndësishme, më të çmuar dhe më të shtrenjtë të një populli.
Dergesa e librave Tuaj mund të bëhet te: – Zyra e Shoqatës së Shkrimtarëve Oeneum në Tetovë, në Çarshi të Eperme te zyrat e policisë, (ish Kadastra) – Zyra për kontabilitiet “M Accounting” Rr. 19-Nëntori,lok.nr.52 Qendra e vjetër Saranda (hyrja nga semaforët në qendër).
Aksioni i grumbullimit zgjat prej 21.02.2024, e martë, deri më 04.03.2024 e hënë, çdo ditë prej orës: 09-14.00.
Ju faleminderojmë shumë që u bashkuat në këtë mision human e kulturor.
Sadije Aliti, koordinatore