Sekretari i Përgjithshëm i NATO-s, Mark Rutte ka thënë sot para mediave në Bruksel, se është i vetëdijshëm për tensionet aktuale në Ballkanin Perëndimor.
Ai gjithashtu përmendi edhe procesin e dialogut mes Kosovës dhe Serbisë, për të cilin u shpreh se nuk po ecën siç do të donin ata.
“Sigurisht që jemi të shqetësuar për tensionet që ende përpiqen të orientojnë ndarje brenda shoqërisë së Bosnje e Hercegovinës. Padyshim do të jetë në agjendë dhe të jemi të sigurt që bëjmë gjithçka për të mbështetur Ballkanin Perëndimor”, tha sekretari i NATO-s
Ai e vlerësoi takimin e kancelarit Olaf Scholz me liderët e vendeve të Ballkanit Perëndimor, duke thënë se Gjermania po bënë përpjekje që vendet e Ballkanit ti ofroj më afër BE-së dhe NATO-s, ato të cilat nuk janë pjesë e Aleancës Veriatlantike. /Telegrafi/