Shëndeti

Peshat e lira në palestër kanë 362 herë më shumë bakterie se ulëset e tualetit

October 26, 2024
Redaksia Spektri

Një studim i fundit ka zbuluar se pajisjet e palestrës janë të mbushura me baktere të dëmshme, duke paraqitur rreziqe shëndetësore për ata që shkojnë në palestër.

Studiuesit nga FitRated mblodhën mostra nga 27 pajisje nga palestra dhe gjetën më shumë se një milion mikrobe për inç katror në secilën pjesë të pajisjes.

Disa prej baktereve të tilla të cilat mund të shkaktojnë infeksione të lëkurës dhe shufra gram-negative rezistente ndaj antibiotikëve u zbuluan në pajisjen për vrapim (treadmills), tek biçikletat për ushtrim dhe tek peshat e lira.
Veçanërisht, peshat e lira përmbanin 362 herë më shumë mikrobe se një ulëse tualeti, ndërsa pajisjet për vrapim (treadmills) kishin 74 herë më shumë baktere sesa rubineti i banjës publike.

Studimi thekson se bakteret lulëzojnë në pajisjet e palestrës për shkak të përdorimit të shpeshtë të tyre nga shumë njerëz. Pavarësisht nga shumë palestra që ofrojnë peceta dezinfektuese, përdoruesit shpesh neglizhojnë pastrimin e pajisjeve para dhe pas përdorimit.