Pjesëtarët e Ministrisë së Punëve të Brendshme, nga Sektori i Kontrollit të Brendshëm, në bashkëpunim me Departamentin e Posaçëm për Luftën kundër Korrupsionit të Prokurorisë së Lartë Publike në Novi Sad dhe Nish, si dhe Prokurorinë e Lartë Publike në Jagodinë, kanë arrestuar katër punonjës policie në disa operacione të ndryshme, për shkak të dyshimeve për kryerjen e veprave të ndryshme penale.
Abuzim me detyrën dhe zbulim i sekreteve zyrtare
Për shkak të dyshimeve se kanë kryer veprat penale të abuzimit me detyrën dhe zbulimit të sekreteve zyrtare, janë arrestuar B. T. (40) dhe M. K. (41), punonjës të Policisë së Pirotit. Ata dyshohen se kanë keqpërdorur kompetencat e tyre duke përvetësuar sende nga personat që ishin nën hetim dhe se kanë shpërndarë të dhëna konfidenciale nga regjistrat e Ministrisë së Brendshme ndaj personave të paautorizuar.
Polici i Jagodinës dha informacione sekrete
Një tjetër i arrestuar është I. Ž. (35), pjesëtar i policisë në Jagodinë, i cili dyshohet se ka shkelur Ligjin për fshehtësinë e të dhënave. Ai akuzohet se i ka transmetuar një personi nga Svilajnci informacion mbi një punonjës policie dhe të dhëna të regjistruara në sistemin zyrtar të Ministrisë së Brendshme.
Arrestohet një police dhe një ish-police në Novi Sad
Në këto operacione, është arrestuar edhe M. Š. (42), punonjëse e Policisë së Novi Sadit, si dhe G. M. (37), një ish-police e së njëjtës polici, për shkak të dyshimeve për abuzim me detyrën.
Ato akuzohen se kanë marrë para për përshpejtimin e procedurave për lëshimin e pasaportave duke përdorur dokumente të falsifikuara dhe i kanë përvetësuar këto shuma për veten e tyre.
Po ashtu, gjatë këtij operacioni, janë arrestuar edhe D. T. (47) dhe N. V. (48), të cilët dyshohen për abuzim me detyrën zyrtare.
Paditje penale për pjesëtarët e xhandarmërisë
Gjithashtu, pjesëtarët e Sektorit të Kontrollit të Brendshëm, në bashkëpunim me Prokurorinë Themelore Publike në Novi Sad, kanë ngritur padi penale në procedurë të rregullt kundër M. P. (49), pjesëtar i Njësisë së Xhandarmërisë në Novi Sad, për shkak të dyshimeve për dhënie të dëshmisë së rreme.
Një tjetër padi është ngritur ndaj A. K. (36), një polic në Novi Sad, i cili dyshohet se gjatë vitit 2023 ka kryer tre vepra penale mashtrimi. Ai akuzohet se i ka mashtruar qytetarët duke u premtuar se do të paguante çmimin e rënë dakord për automjetet që ai mori dhe më pas i rishiti, por nuk i shleu pagesat, duke i dëmtuar në një vlerë prej 30,000 eurosh.