Situata e sigurisë në Kosovë ka qenë temë diskutimi mes presidentes së shtetit, Vjosa Osmani e shefit të NATO-s, Mark Rutte.
Osmani, thotë se Kosova mbetet e përkushtuar në rrugën drejt anëtarësimit në NATO.
“Në kuadër të aktiviteteve në SHBA, bisedova me Sekretarin e Përgjithshëm të NATO-s, z. Mark Rutte, lidhur me situatën e sigurisë në vendin tonë si dhe rolin e rëndësishëm të misionit të NATO-s në ruajtjen e paqes dhe sigurisë në rajon. Kosova mbetet e përkushtuar në rrugën drejt anëtarësimit në NATO dhe për një të ardhme të sigurt për të gjithë qytetarët tanë”, ka shkruar ajo.