Presheva kthen vëmendjen nga kultura, Panairi i Parë i Librit Shqip “Presheva Flet”

Në Shtëpinë e Kulturës “Abdulla Krashnica” është mbajtur Panairi i Parë i Librit Shqip në Preshevë, një ngjarje historike që vendos librin dhe gjuhën shqipe në qendër të vëmendjes kulturore.

Ky panair, për herë të parë i organizuar nga Komuna e Preshevës, është rezultat i një bashkëpunimi të ngushtë dhe të qëndrueshëm me Ambasadën e Republikës së Shqipërisë në Beograd, të cilën e falënderojmë për mbështetjen financiare dhe morale, veçanërisht Ambasadorin z. Bardhyl Canaj, për përkushtimin ndaj shqiptarëve të Luginës.

“Në vitin 2021, këtë panair e synuam si projekt kulturor të përbashkët me Qeverinë e Shqipërisë–tani po e realizojmë”, ka  thënë Kryetarja e Komunës së Preshevës Ardita Sinani.

Sinani gjithashtu ka falënderuar shtetin amë ambasadorin Bardhyl Canaj dhe kryeministrin Edi Rama për mbështetjen e vazhdueshme që po i bëjnë eventeve të tilla.

“Mirënjohje të thellë shtetit shqiptar dhe Kryeministrit Edi Rama për përkrahjen e vazhdueshme ndaj Preshevës dhe gjithë Luginës!

Ky gjest i vëmendjes institucionale dhe kulturore ndaj nesh është më shumë se simbolikë, është mbështetje konkrete për një pjesë të shqiptarëve që vazhdojnë të qëndrojnë e të kontribuojnë në kushte të vështira.

Faleminderit që na bëtë të ndjehemi të përfshirë, të respektuar dhe krenarë”!

Në kë panair janë ekspozuar tituj të ndryshëm nga shtëpi botuese të ndryshme të atorëve vendas e të huaj në gjuhën shqipe.