Mbrëmjen e sotme do të jetë finalja e programit televiziv, Big Brother VIP, ku pritet të mësohet edhe fituesi mes 4 finalistëve.
Por po ashtu, gjatë mbrëmjes së sotme është parashikuar edhe zhvillimi dasmës mes Luiz Ejllit dhe Kiara Titos.
Deri më tani nuk kanë dalë detaje rreth vendit se ku do të zhvillohet kjo dasmë, por besohet se ajo do të zhvillohet në tarracën e Bashkisë së Tiranës, ku edhe janë vendosur zbukurime të shumta.
Kur u pyet gjatë ditës së sotme nëse do të ishte ai që do të celebronte këtë çift, kryebashkiaku i Tiranës, Erion Veliaj tha: “Nuk e di se ç’po gatuhet në tarracë”, çka e forcon edhe më shumë këtë dyshim.