Kryetari i Këshillit Kombëtar Shqiptar Enkel Rexhepi përmes një postimi në facebook ka reaguar pas publikimit të listës së fundit nga Ministria e Punëve të Brendshme të Serbisë, ku nga 43 kandidatë të pranuar në konkursin për policë nuk ështv pranuar asnjë shqiptar ndërsa nv Medvegjë nga 22 polic të pranuar asnjë shqiptar.
Kvshtu ka shkruar Rexhepi duke theksuar se ky ështv një diskriminim sistematik ndaj shqiptarëve.
“Ky është një sinjal alarmant që tregon vazhdimin e diskriminimit sistematik të shqiptarëve nga institucionet shtetërore, përkundër marrëveshjeve ndërkombëtare dhe obligimeve të shtetit”.
Ky është postimi i plotë i Rexhepit:
“𝐙𝐄𝐑𝐎 𝐬𝐡𝐪𝐢𝐩𝐭𝐚𝐫 𝐧𝐞̈ 𝐩𝐨𝐥𝐢𝐜𝐢
𝐏𝐨 𝐫𝐢𝐤𝐭𝐡𝐞𝐡𝐞𝐭 𝐝𝐢𝐬𝐤𝐫𝐢𝐦𝐢𝐧𝐢𝐦𝐢 𝐢 𝐯𝐢𝐭𝐢𝐭 𝟐𝟎𝟎𝟏!
Në listën e fundit të publikuar nga Ministria e Punëve të Brendshme të Serbisë, nga 43 kandidatë të pranuar në konkursin për policë, 𝐧𝐮𝐤 𝐞̈𝐬𝐡𝐭𝐞̈ 𝐩𝐫𝐚𝐧𝐮𝐚𝐫 𝐚𝐬𝐧𝐣𝐞̈ 𝐬𝐡𝐪𝐢𝐩𝐭𝐚𝐫 𝐧𝐞̈ 𝐏𝐫𝐞𝐬𝐡𝐞𝐯𝐞̈ 𝐝𝐡𝐞 𝐁𝐮𝐣𝐚𝐧𝐨𝐜.
Po ashtu edhe në Medvegjë nga 22 polic, asnjë shqiptar.
Ky është një sinjal alarmant që tregon vazhdimin e diskriminimit sistematik të shqiptarëve nga institucionet shtetërore, përkundër marrëveshjeve ndërkombëtare dhe obligimeve të shtetit.
Para pak ditësh u bënë 24 vite nga Marrëveshja e Konçulit, e cila në thelb kishte synim inkuadrimin e shqiptarëve në jetën publike, sidomos në krijimin e një policie multietnike që do të garantonte sigurinë e qytetarëve shqiptarë në Preshevë, Bujanoc dhe Medvegjë.
Nga viti 2002 deri në 2004 u arrit të përfshihen një numër i konsiderueshëm i shqiptarëve në polici. Por që nga ajo kohë, dhe për më shumë se një dekadë – nuk është pranuar asnjë shqiptar i ri në stacionet policore në Luginë.
Sipas të dhënave që disponon Këshilli Kombëtar Shqiptar, nëse ky trend vazhdon, me daljen në pension të kuadrove aktuale dhe me mospranimin e policëve të rinj, shumë shpejt do të kthehemi në gjendjen e vitit 2001, kur shqiptarët ishin plotësisht të përjashtuar nga policia dhe institucionet e tjera shtetërore.
Këshilli Kombëtar Shqiptar ka ngritur vazhdimisht këtë shqetësim, duke avokuar si në instancat shtetërore, ashtu edhe tek faktori ndërkombëtar, për rikthimin e programit të policisë multietnike, sepse është e vetmja rrugë për të siguruar përfaqësim të drejtë dhe proporcional, ashtu siç e parashikon kushtetuta, konventat ndërkombëtare dhe vetë Marrëveshja e Konçulit dhe Plani 7 pikësh.
𝐌𝐨𝐬𝐩𝐞̈𝐫𝐟𝐬𝐡𝐢𝐫𝐣𝐚 𝐞 𝐬𝐡𝐪𝐢𝐩𝐭𝐚𝐫𝐞̈𝐯𝐞 𝐧𝐞̈ 𝐩𝐨𝐥𝐢𝐜𝐢 𝐧𝐮𝐤 𝐞̈𝐬𝐡𝐭𝐞̈ 𝐯𝐞𝐭𝐞̈𝐦 𝐩𝐚𝐝𝐫𝐞𝐣𝐭𝐞̈𝐬𝐢, 𝐩𝐨𝐫 𝐞̈𝐬𝐡𝐭𝐞̈ 𝐬𝐡𝐤𝐞𝐥𝐣𝐞 𝐞 𝐦𝐚𝐫𝐫𝐞̈𝐯𝐞𝐬𝐡𝐣𝐞𝐯𝐞 𝐝𝐡𝐞 𝐫𝐫𝐞𝐳𝐢𝐤 𝐩𝐞̈𝐫 𝐛𝐚𝐬𝐡𝐤𝐞̈𝐣𝐞𝐭𝐞𝐬𝐞̈𝐧”.