Presidenti i Serbisë, Aleksandar Vuçiq, do të shpallë nesër emrin e mandatarit për formimin e Qeverisë së re, kanë raportuar mediat në Beograd.
Vuçiq ka deklaruar më herët se Partia Progresive Serbe (SNS) ka dy kandidatë potencialë për këtë post, ndërsa njëri prej tyre është figurë jopartiake.
Gjatë javës së kaluar, presidenti ka zhvilluar konsultime me përfaqësues të disa partive politike, përfshirë SNS (Partia Progresive Serbe), SPS (Partia Socialiste e Serbisë), Aleancën e Hungarezëve të Vojvodinës, Partinë Ruse, Partinë e Drejtësisë dhe Pajtimit, Lidhjen Demokratike të Kroatëve të Vojvodinës, Lëvizjen “Ne – Zëri i Popullit”.
Shqiptarët në Luginën e Preshevës do ta ndjekin me vëmendje këtë zhvillim, për shkak të ndikimit të drejtpërdrejtë që përbërja e qeverisë së re ka në politikat ndaj pakicave kombëtare, përfshirë çështjet e gjuhës, arsimit dhe përfaqësimit institucional./Spektri