Lugina

Lutfiu refuzon të ulet në një tryezë me Demo Berishën!

September 5, 2024
Redaksia Spektri

Kryetari i Këshillit Kombëtar Shqiptar, Nevzad Lutfiu ka refuzuar publikisht ftesën e ushtruesit të detyrës së Trupit Koordinues Nenad Mitroviq, që të takohen së bashku me Demo Berishën, për të diskutuar qështjen e pasivizimit të shqiptarëve në Luginë të Preshevës.

Sot gjatë ditës Trupi Koordinues për Preshevë, Bujanoc dhe Medvegjë ka lëshuar një njoftim publik, në të cilën thuhet se me inisiciativë të ushtruesit të detyreës së drejtorit në Trupin Koordinues dhe Dema Berishën, këshiilltar i veçant i ministrit për të drejtat e njeriut dhe pakicave dhe dialogut social është mbajtur takim me përfaqësuesit e organeve shtetërore përgjegjës qështjen e pasivizimit të adresave.

Sipas njoftimit publik, në mbledhjen e mbajtur janë dakorduar që në periudhë të ardhshme të ftohet për takim edhe kryetarin e Këshillit Kombëtar Shqiptar, për zgjidhjen e kësaj qështje.

Por Kryetari i KKSh-së, Nevzad Lutfiu është shprehur se nuk do të ulet në një tavolinë me Demo Berishën.

Deklarata e shkruar e Lutfiut:

Me Demo Berishën nuk ulem në tryezë për të diskutuar problemet e shqiptarëve, e aq më tepër pasivizimin e adresave.
Vet idea e Nenad Mitroviqit për ta organizuar një tryezë me shqiptarët për të diskutuar për pasivizimin e adresave është pohim i asaj që ne me vite po e deklarojmë, procesi i pasivizimit është selektiv.
Jemi të interesuar të integrohemi në Serbi, por si shqiptarë e jo si “shqiptarë”, deri atëherë protestat vazhdojnë.
Më herët gjatë ditës edhe disa politikanë tjerë e kanë kontestuar këtë ide, duke vlerësuar se Demo Berisha dhe Nenad Mitroviq nuk mund ta zgjidhin qështjen e pasivizimit.