Shtëpia, e cila supozohej të shërbente si rezidenca e një udhëheqësi të famshëm ushtarak, u shndërrua në një bar gjatë shekullit të 20-të – një destinacion popullor për artistët dhe shkrimtarët
Shtëpia e Napoleonit është një nga vendet kulte në New-Orleans. Edhe pse është quajtur sipas një gjenerali francez, përveç emrit, ka pak të bëjë me Bonapartin.
Thashethemet se shtëpia duhej të shërbente si rezidencë e Napoleonit, në rast se udhëheqësi ushtarak vendoste të vizitonte Luizianën, kjo vizitë nuk ndodhi kurrë.
Edhe kur ishte në formë të mirë në fillim të shekullit të 19-të, rezidenca trekatëshe me tulla dhe llaç ishte një nga më të bukurat në qytet, por edhe sot konsiderohet si një nga shembujt më të mirë të arkitekturës së ndikuar nga francezët në SHBA.
Monumenti 200-vjeçar i New Orleans-it përshtatet në mënyrë të përkryer në atmosferën e rastësishme të lagjes franceze, transmeton Telegrafi.
Gjatë shekullit të 20-të, shtëpia u shndërrua në një lokal – një vend takimi popullor për artistë dhe shkrimtarë. Detajet i japin një vulë të veçantë një vendi ku koha nuk rrjedh.
Aty mund të pini kokteje dhe të dëgjoni Eroikën e Beethoven-it, një simfoni që kompozitori ia kushtoi Bonapartit sepse ishte i magjepsur nga idetë e tij. Por kur Napoleoni u kurorëzua në 1804, Beethoveni e fshiu dedikimin dhe ia kushtoi veprën mbrojtësit të tij artistik, Princit Lobkoviç.
Nëse udhëtimi juaj ju çon në New Orleans, shtëpia e Napoleonit është një nga vendet që ia vlen patjetër të vizitohet, nëse jo për arsye tjetër, atëherë për atmosferën e veçantë dhe sandviçin – muffuletta me mish të thatë dhe djathë me salcë pikante.