Gjykata Themelore në Prishtinë ua ka ndaluar hyrjen për tre vjet në Kosovës dy serbëve të cilët u arrestuan më herët për organizimin e trazirave në veri që ndodhën në fund të majit.
Sinisha Jevtiq dhe Ivan Sekuliq, përveç dëbimit nga Kosova, u dënuan me nga gjashtë muaj burg secili, masë e cila iu zëvendësua me para. Ata u dënuan për veprat penale “pjesëmarrje në turmë” dhe “huliganizëm”.
Jevtiq e Sekuliq e pranuan fajësinë, ndërsa Gjykata vendosi që dënimin me burg ta zëvendësojë me gjobë prej 7 mijë eurosh për secilin.
Sekuliqit iu shtua edhe një gjobë prej 2 mijë eurosh për armëmbajtje pa leje.
Jevtiq e Sekuliq ishin në mesin e emrave të cilët kryeministri Albin Kurti i pati përmendur në një seancë të Kuvendit në fillim të qershorit, duke i akuzuar si organizatorët e trazirave në veri. Sipas Kurtit, Jevtiq e Sekuliq janë pjesë e tifozëve nacionalistë të Crvena Zvezdës, “Delije”./Koha.net