Category: Lugina

Qeveria eRepublikës së Kosovës ka miratuar sot propozim buxhetin për vitin 2025, ku mes tjerash parashihet edhe buxheti mbështetës për Luginën e Preshevës. Sipas buxhetit të projektuar, për Luginën janë paraparë një fond prej 4 milion eurove.

Këtë përkrahje e kanë konfirmuar edhe këshilltari i zv. kryeministrit Besnik Bislimi, Ragmi Mustafa dhe Kryetarja e Komunës së Preshevës, Ardita Sinani.

Postimi ka Mustafi:

4 MILIONË EURO PËR LUGINËN E PRESHEVËS

Qeveria e Republikës së Kosovës ka miratuar rritjen e fondit për mbështetje të Luginës së Preshevës me 4 milionë euro për vitin 2025, duke mos harruar Sanxhakun e Novi Pazarit.

Kjo mbështetje nuk është vetëm një angazhim financiar, por një dëshmi e përkushtimit të Qeverisë së Republikës së Kosovës për të qenë pranë shqiptarëve dhe bashkatdhetarëve.

Ky fond do të shërbejë për të ruajtur substancën e identitetin kombëtar duke investuar në arsim, kulturë, sport si dhe në sektorët e rëndësishëm me qasje sistematike e programatike. Ky angazhim i yni është në shërbim të krijimit të kushteve për përmirësimin e cilësisë së jetesës edhe për të forcuar identitetin tonë kombëtar.

Faleminderit Qeveria e Republikës së Kosovës
Faleminderit Kryeministrit Albin Kurti
Faleminderit zv/kryeministrit Besnik Bislimi 

https://www.facebook.com/share/p/174K5ZzKv8/

Postimi i kryetares Sinani:

Një hap i madh për Luginën e Preshevës!

Sot, pas shkresës që iu drejtova Kryeministrit Albin Kurti për rritjen e fondit për Luginën e Preshevës, u miratua një vendim historik, duke rritur mbështetjen me 4 milionë euro për vitin 2025! Ky fond do të investohet në arsimin, kulturën, sportin, si dhe në sektorët e rëndësishëm të bujqësisë dhe blegtorisë.

Ky është një hap i rëndësishëm drejt krijimit të kushteve më të mira për zhvillimin ekonomik dhe sigurimin e të drejtave të shqiptarëve në këtë rajon. Me këtë mbështetje, ne do të forcojmë identitetin tonë kombëtar dhe do të investojmë në të ardhmen e të rinjve tanë.

Jemi të bindur se me përkushtimin e Qeverisë, do të ndërtojmë një të ardhme më të ndritur për Luginën dhe qytetarët e saj. Bashkë mund të arrijmë gjithçka! 

https://www.facebook.com/share/p/1Atdp46qZn/