Nga 1 nëntori, 106 vend-sportele do të pushojnë së funksionuari, në mesin e tyre edhe sportelet ne Preshevë dhe në Bujanoc.
Në EPS kanë theksuar se mbyllja e sporteleve është për shkak të përmirësimit të biznesit, dixhitalizimit dhe uljes së kostove dhe se qytetarët do të mund t’i paguajnë faturat, përveç elektronikisht, edhe në sportelet e Postës, bankave dhe institucioneve të tjera të pagesave, shkruan RTS, transmeton Spektri.
EPS thotë se këtë po e bëjnë gjithashtu për të hequr punën me para.
Drejtori ekzekutiv i “EPS Supply” Aleksandar Bjeliçiq tha se vendimi ishte i pritshëm, pasi vetëm 13 për qind e përdoruesve i paguajnë faturat në sportelet e Elektrodistribucionit të Serbisë.
Nga 1 nëntori deri më 1 shkurt të vitit të ardhshëm qytetarët do të mund të paguajnë faturat vetëm në arkat e EPS-it në Beograd, Novi Sad, Nish, Kragujevc dhe Kraljevë.
Pas 1 nëntorit, vazhdon shërbimi për qytetarët dhe do të mund të informohen për llogarinë, të paraqesin ankesa për ankesa dhe të marrin informacione të tjera në ato sportele.
Duke folur për qytetarët e moshuar të cilët janë mësuar të paguajnë nëpër sportele, në EPS theksojnë mund t’i paguajnë faturat në sportelet e Postës, bankave dhe institucioneve të tjera të pagesave.
Banka Poshtanska Shtedionica ofron një komision për qytetarët që paguajnë faturat EPS në sportelet e tyre në vlerë prej 30 dinarë për të gjitha shumat deri në 6,000 dinarë./Spektri