ShowBiz

Publikohet ‘traileri’ i filmit të ri nga Disney, “Descendants: The Rise of Red!” ku luan edhe Rita Ora

May 24, 2024
Redaksia Spektri

Rita Ora shfaqet si Mbretëresha e Zemrave në ‘trailerin’ e filmit të ri muzikor dhe fantastik “Descendants: The Rise of Red!”, i cili po vjen në Disney+ dhe Disney Channel.

Filmi është një spinoff i filmave të Disney Channel “Descendants” dhe është filmi i katërt i serisë që ndjek fëmijët e personazheve nga filmat klasikë të Disney-t.

Kylie Cantrall luan rolin e Red, vajza e Mbretëreshës së Zemrave (rol i cili luhet nga Rita Ora), ndërsa Malia Baker luan rolin e Chloe Charming, vajza e Cinderellës (rol i luajtur Brandy) dhe Princit Charming (rol i luajtur nga Paolo Montalban). Nga “Alice in Wonderland’s” dhe “Cinderella”.
“Një ish-vajzë e ligë (e njohur si VK) Uma, tani drejtoresha më e re e Auradon Prep, fton në shkollë një tjetër VK – Red, vajzën e kryengritëse të Mbretëreshës së Zemrave nga Wonderland. Pas një grushti shteti kundër Auradon nga ana e Mbretëreshës së Zemrave, Red dhe vajza e Cinderellas, Chloe udhëtojnë në kohë për të zhbërë ngjarjen traumatike që e çoi në rrugën e saj të keqësisë”, thotë përmbledhaj zyrtare e filmit.

E entuziazmuar për rolin e saj në këtë film, këngëtarja shqiptare me famë botërore, Rita Ora, ndau me ndjekësit e saj në rrjetet sociale ‘trailerin’ e filmit, duke shkruar: “Thuani përshëndetje Mbretëreshës së Zemrave në ‘Descendants: The Rise Of Red’ të Disneyt. Mezi prej që ju të gjithë ta shihni në Disney Plus më 12 korrik.

Në kast gjenden gjithashtu China Anne McClain, Jeremy Swift, Dara Reneé, Ruby Rose Turner, Morgan Dudley, Melanie Paxson, Leonardo Nam, Joshua Colley dhe Peder Lindell.

Filmi ofron shtatë këngë origjinale të reja, së bashku me përsëritjet e “What’s My Name” nga “Descendants 2” dhe “So This is Love” nga “Cinderella”. /Telegrafi/Spektri/