Sot me urdhër të Prokurorisë së Posaçme kundër Korrupsionit dhe Krimit të Organizuar është arrestuar ish-presidenti i vendit Ilir Meta.
Veç Metës, burime për mediet bëjnë me dije se Gjykatës e Posaçme GJKKO ka caktuar “detyrim paraqitje” edhe për ish-bashkëshorten e tij Monika Kryemadhi, aktualisht deputete e Partisë së Lirisë.
Në të kaluarën e tij, Meta ka mbajtur pozicionet më kyçe në shtetin shqiptar, duke përfshirë detyrat e Kryeministrit, Ministrit të Jashtëm, Kryetarit të Kuvendit dhe Presidentit të Republikës. Arrestimi i tij shënon një moment të rëndësishëm në luftën kundër korrupsionit në Shqipëri.
Meta ka paraqitur deklarime në SPAK për disa çështje, përfshirë ato që lidhen me mosdeklarimin e pasurisë dhe korrupsionin. Ndërkohë, shoqëria shqiptare pret një konfirmim zyrtar nga SPAK për akuzat e sakta që rëndojnë mbi të. /Telegrafi/