Emisioni Drita për muajin prill 2023 sjell dy tema aktuale që po prekin drejtpërdrejt përditshmërinë e shqiptarëve në Preshevë, Bujanoc dhe Medvegjë. Në pjesën e parë, emisioni i kushtohet muajit të shenjtë të Ramazanit, duke e prezantuar agjërimin dhe kuptimin e tij edhe për shikuesit jomyslimanë, përmes sqarimeve nga Bashkësia Islame, si dhe këndvështrimeve shëndetësore e psikologjike mbi ndikimin e agjërimit. Në pjesën e dytë trajtohet procesi zgjedhor për Këshillin Kombëtar Shqiptar pas dështimit të konstituimit nga zgjedhjet e rregullta, ku kësaj here zgjedhja zhvillohet përmes elektorëve – me shpjegime nga përfaqësues të Ministrisë, OSBE-së dhe aktorëve lokalë. Një emision informues që ndërthur dimensionin shpirtëror të Ramazanit me zhvillimet institucionale që përcaktojnë përfaqësimin e shqiptarëve në Serbi.