Pensionet në Serbi do të rriten për 9% nga 1 nëntori dhe për 12 për qind të tjera nga 1 janari, kështu që vitin e ardhshëm pensionistët në Serbi do të kenë një pension mbi 20 % më të lartë se tani, ka thënë sot në mëngjes ministri i Financave Sinisha Mali.
Duke folur në RTS, ai tha gjithashtu se pagat në sektorin publik do të rriten për 12.5 për qind nga 1 janari dhe përkujtoi se paga minimale është rritur edhe për 14.3 për qind dhe se vitin e ardhshëm për herë të parë do t’i kalojë 40 mijë dinarë. .
Pensionet
Siç ka shkruar së fundmi Blic, transmeton Spektri, pensionet praktikisht do të rriten për 20.2 për qind, që do të thotë se pensioni mesatar, i cili tani arrin në 30.965 dinarë, do të jetë më i lartë për 6.254 dinarë.
Rritjet e reja vlejnë për të gjithë 1.7 milionë pensionistët në Serbi. Rritja e përqindjes do të jetë lineare, që do të thotë se të gjithë pensionistët do të kenë të njëjtën rritje në përqindje.
Pensioni mesatar aktual është 30,965 dinarë dhe do të jetë më i lartë për pak më shumë se 6,200 dinarë. Pensionistët me të ardhura më të ulëta do të marrin pak më shumë se 12,000 dinarë në muaj në vend të 10,000 dinarëve.
Grupi më i madh i pensionistëve (rreth 20 % e tyre) pensionet e të cilëve janë nga 10.000 deri në 15.000 dinarë, do të mund të llogarisin në një rritje prej rreth 2.000 deri në rreth 3.000 dinarë. Qytetarët më të moshuar që marrin nga 15.000 deri në 20.000 dinarë në muaj, nga të cilat janë rreth 200.000, do të kenë nga 3.000 deri në 4.000 dinarë më shumë në portofolin e tyre…
Gjysmën e rritjes duhet ta presin këtë vit, ndërsa pjesën tjetër nga 1 janari i vitit pasardhës.
Minimumi është rreth 50 euro më i lartë
Nga 1 janari, paga minimale do të jetë 40.020 dinarë, që është rritja më e madhe në përqindje deri më tani. Siç tha së fundmi ministri, në rast se kriza përkeqësohet, qeveria do të jetë e hapur për negociata të reja për pagën minimale me punëdhënësit dhe sindikatat.
“Kemi një rritje të madhe të pagës minimale nga 35.000 dinarë në 40.000 dinarë. Është e vështirë të gjendet një balancë mes interesave të sindikatave dhe punëdhënësve”, tha Mali. Praktikisht, minimumi do të rritet me gati 50 euro./spektri