Zafir Berisha nga Nisma Socialdemokrate e ka ofenduar Albin Kurtin, kreun e Vetëvendosjes, derisa ka folur për komandantët që pasluftës u bënë milionerë, raporton Gazeta Express.

Berisha derisa ka folur për Kurtin tha se ka disa shqipfolës që nuk po lodhen duke sulmuar në mënyrë të padrejtë luftën e UÇK-së.

“Albini për komandantat vetëm mundet me ja dhanë ni zhiletë edhe me kry atë punën që duhet me kry, sepse poshtërsia më e madhe qëndron aty se për 20 vite është vjellë vner jo veç me Albinin se me këtë mas pakti, besoni se Serbia ka fillu me u lodhë t’u e sha UÇK-në dhe komandantat e disa shqipfolës ende s’po lodhen, imagjinoje ti, duke i sulmuar në mënyrë të padrejtë, se në fund të fundit duhet me e nda. Në rast se Zafa ka bo diçka pas luftës, çka ka lidhje komandanti me Zafën”, thotë ai.

Tutje, Berisha në emisionin DPT te Fidani në T7 e ka quajtur Kurtin injorant.

“Soji i Albin Kurtit e injorantat si ai nuk rreshtin, edhe sot s’janë tu rresht. E mora si shembull, soji i tij. Mas pari niherë Albini dhe Glauku duhet me kallxu, që ai Isa dhe djemtë e tij, po qarkullojnë ende, djemtë e Isa Mustafës lidhen me Serbi me UDB e çka po di unë”, tha ai. /GazetaExpress/

Një ditë pas fitores Vetëvendosje nis planet për krijimin e qeverisë, LDK pret ftesë nga Albin Kurti 

Kanë ardhur media nga e gjithë bota.

Të gjitha janë të interesuar të intervistojnë Albin Kurtin,  liderin e partisë fituese të zgjedhjeve për Kuvendin e Kosovës.

Kurti, telefonin po e mbante afër gjatë gjithë kohës.

Edhe kur doli prej një interviste me telefon në dorë lexonte mesazhe.

Ai po merrte urime për rezultatin që mori një ditë më parë në zgjedhje të parakoshme.

Lëvizja Vetëvendosje, fitoi 25.56% të votave, gjë që e bëri atë partinë e parë.

Por ky rezultat  nuk i mundëson atij që i vetëm të bëjë kabinetin qeveritarë.

E për këtë ai një natë më parë ai paralajmëroj takim me Vjosa Osmanin, kandidaten që e kishte LDK për kryeministre në këto zgjedhje.

Ndërkohë, gjatë ditës së hënë Kurti e Osmani nuk realizuan ndonjë takim.

Nga zyra për media e LDK-së kanë konfirmuar që deri në këto momente nuk kanë marrë ndonjë thirrje.

Vetëvendosje thotë se partner të vetëm serioz e kanë LDK-në.

Madje Svecla shprehet shumë optimist që LDK do t’i bashkohet thirrjes për koalicion.

Kurse për koalicionet me Listën Serbe Svecla, thotë se do i shohin gjitha mundësit ligjore.

Në zgjedhjet e 6 tetorit në tërë Kosovën kanë votuar 43.29 për qind apo rreth mbi 800 mijë qytetarë kanë shfrytëzuar të drejtën e tyre për votë. /T7

Menaxheri i shumë ndërmarrjeve të njohura i cili ndër të tjera ka punuar edhe në Bloomberg e NYFIX, para zgjedhjeve kishte dalur në mbështetje të hapur ndaj Albin Kuriti, ku edhe kishte deklaruar se nëse Vetëvendosja e Kurtit i fiton zgjedhjet, do të kthehet të investojë në ekonominë e vendit me 50 milionë euro.

E tash që Vetëvendosja i fitoi zgjedhjet, mbetët të shihen nëse biznesmeni nga SHBA’ja do t’i ndihmojë Kosovës me 50 milionë euro investim.

Ai kishte deklaruar se nuk është profesionisti i vetëm që mund ta bëjë një gjë të tillë, sepse sipas tij diaspora e do Kosovën.

Biznesmeni gjithashtu tha se Kurtin e ka njohur qysh nga koha e studimeve. Megjithatë deri në këto zgjedhje ai deklaroi se ka votuar pothuajse të gjitha partitë, por të gjitha e kanë zhgënjyer. /Kosova sot

Kjo është mundësia e fundit që Kosova të qeveriset pa korrupsion e shantazhe. Diaspora është e gatshme të ndihmoj zhvillimin e vendit. Voto për ardhmërinë që e donë. Me #6tetor unë do votoj për Lëvizja VETËVENDOSJE! dhe mikun tim Albin Kurti. #ErdhiDita për ndryshime!

Publicerat av Gazmend Gjonbalaj Måndag 30 september 2019

Albin Kurti ka dhënë mesazhin e parë për qytetarët pas shpalljes së rezultatit të zgjedhjeve.

Lideri i Lëvizjes Vetëvendosje, Albin Kurti, ka dhënë mesazhin e parë për qytetarët pas shpalljes së rezultatit të zgjedhjeve, ku rezultoi fitues me mbi 25% të votave, transmeton lajmi.net.

Mesazhi i Kurtit:

Mirëmëngjes të dashur qytetarë,

Prej mbrëmë ka shpresë. Sepse dje pati guxim. Ju votuat masivisht duke bërë që opozita e deridjeshme të korrë fitore bindëse. Ndryshimi ndodhi. Dhe, jo vetëm kaq. Populli vendosi që këtij ndryshimi i prin dhe do t’i prijë Lëvizja VETËVENDOSJE!.

Të gjithë ju që keni votuar dje u jam falenderues që keni kryer detyrën qytetare e obligimin demokratik në një kohë të vështirë siç është kjo që po kalojmë dhe në një vend të dashur siç është Kosova jonë.

Të gjithë ju që keni votuar për ndryshimin, e sidomos për VETËVENDOSJE!-n, u jam mirënjohës për vetëdijen e lartë dhe ndërgjegjen e thellë për ta shpëtuar republikën tonë nga zvetënimi i mëtutjeshëm.

Qytetarët folën me votën e tyre. Ata ndërhynë masivisht në skenën politike në mënyrë që drama kosovare e shtetit të kapur të mos ketë fund tragjik. Urtësia e popullit tonë në çastet vendimtare ishte asgjë më pak sesa fantastike.

Tash, ne duhet të punojmë. Ama sërish bashkë me qytetarët. Kurrë anash apo prapa qytetarëve. Bashkë, gjithnjë.

Punët e vështira që na presin vetëm sa ma shtojnë vullnetin. Ato nuk kanë llogari me neve, me juve, me mua.

Sepse: Erdhi dita!

Ju falemnderit të gjithëve dhe secilit. /Lajmi.net


Albin Kurti, kandidat për kryeministër nga partia fituese e zgjedhjeve ka folur para mediave pas rezultateve të votimit.

Ka shpallur fitoren e partisë së tij, teksa ka thënë se i gjithë angazhimi ja ka vlejtur, shkruan lajmi.net.

“Unë si kryeministër i ri i Republikës së Kosovës e shpall fitoren e Vetëvendosjes në zgjedhjet e 6 tetorit”, ka thënë ai.

“Kemi punuar shumë, jemi angazhuar gjatë mirëpo gjithçka ja ka vlejtur sepse për popullin tonë çka kemi bërë e kemi konsideruar si detyrë tonën”, ka shtuar ai.

“Qeveria e re duhet të kompensojë kohën e humbur dhe mundësitë e çuara dëm”, tha ai.

Teksa tha se që nga nesër do të fillojnë me angazhimet për formimin e Qeverisë së re.

Foli edhe për koalicionin e mundshëm me LDK-në.

“Sot, nuk do t’i kontaktoj, por qysh nesër do të vendos kontakt me LDK-në, që me subjektin që ishim në opozitë që ta kurorëzojmë ndryshimin”, tha ai. /Lajmi.net/

Albin Kurti, kandidati për kryeministër nga Lëvizja Vetëvendosje, sot ka vizituar edhe Muzeun e Pavarësisë.

Kurti deklaroi në atë shtëpi kishte filluar veprimtarinë e tij Presidenti Ibrahim Rugova.

“Filluam ditën me vizitën në Prizren, tash jemi këtu tek Muzeu u Pavarësisë që gjatë viteve të 90-ta ishte shoqata e shkrimtarëve të Kosovës, dhe ku e filloi veprimtarinë e tij diplomatike, publike dhe politike Presidenti dr, Ibrahim Rugova”.

“Me presidentin Ibrahim Rugova unë jam takuar këtu në vitin 1997 dhe takimet tona kanë qenë konstruktive edhe atëherë kur nuk jemi pajtuar”.

“Unë e vlerësoj për insistimin e tij për pavarësinë e Kosovës dhe lirinë, dhe kundër okupimit të Serbisë”.

“Në këtë shtëpi bashkë me Adem Demaqin në vitin 88 dhe 89 kemi mbajtur mbi 15 konferenca për shtyp si zyre e përfaqësisë së përgjithshme politike të  UÇK-së. Gjashtë prej të cilave unë i kamë mbajtur vet pa bacën Adem pasi ai nuk ishte ose ishte i sëmurë ose ishte në udhëtime dhe takime zyrtare”, ka thënë Kurti. /Lajmi.net


Kandidatja e LDK-së për kryeministre, Vjosa Osmani, ka komentuar në emisionin Pressing në T7, deklaratën e kandidatit të Vetëvendosjes, Albin Kurtit, i cili ka thënë se ‘do ta bëjë Vjosa Osmanin kryeparlamentare’.

Osmani thotë se për të është fyerje për të dhe qytetarët nga Kurti të thuhet se do ta vendos si kryeparlamentare.

Ajo tutje thotë se deklarata e kandidatit të VV’së për kryeministër është seksiste për shkak se, sipas Osmanit, Kurti pretendon se mund ta vendos atë kudo vetëm pse është grua.

“Nuk e kam dëgju kurrë z. Kurti duke thënë se filan burri do të vendosi këtu ose do ta bëjë diçka. Kurrë nuk ka thënë për Ramush Haradinajn. Sepse në raport me burra ai mendon se ulët dhe vendos, ndërsa mendon se mua si grua vetëm më vendos diku. Unë ia kam dëshmuar secilit burrë në politikë se të vetmit janë qytetarët që më vendosin”, ka thënë Osmani në Pressing. /Lajmi.net

Pas katër viteve Albin Kurti rikthehet në RTV Dukagjini në emisionin Debat Plus me Ermal Pandurin.

Lideri i Lëvizjes Vetëvendosje do të përballet me analistët Arben Ahmeti, Astrit Gashi, Luljeta Aliu dhe Imer Mushkolaj.

Albin Kurti do të flas për temat e mëdha që do ta presin qeverinë e re të Kosovës.

Pse nuk bëri koalicion me asnjë parti politike, qasja e re e Albin Kurtit në politikë, pse ndryshoi, me kë do të bëje koalicion pas zgjedhjeve, si i sheh katër pretendentët tjerë për kryeministër.

Këto dhe shumë gjëra tjera që nuk janë thënë më parë, sonte në Debat Plus me Ermal Pandurin në RTV Dukagjini do të flas vet Albin Kurti.

Ndiqeni debatin me fillim nga ora 20:35. Qëndroni me RTV Dukagjinin. /Telegrafi

Tubim parazgjedhor i Vetëvendosjes me gra Subjektet politike, veçmas kandidatët e tyre për postin e kreut të Qeverisë, edhe sot kanë zhvilluar aktivitete parazgjedhore. Në këtë rrjedhë, Lëvizja Vetëvendosje organizoi takim aktivistet e këtij subjekti. I nominuari i Vetvendosjes për kryeministër, Albin Kurti, tha se gratë kanë nevojë për më shumë mbështetje në të bërit biznes./21Media

Shefi i kabinetit të kryeparlamentarit Kadri Veseli, njëherësh ish-ministri Blerand Stavileci e ka paditur liderin e Vetëvendosjes, Albin Kurti i cili e ka akuzuar atë se po përfiton grante nga Ministria e Bujqësisë.

Përmes një postimi në llogarinë e tij në Facebook, Stavileci i drejtohet Kurtit me shprehjen ‘shpifarak ja ku e ke padinë’, dhe bashkangjitur me shkrimin ish-ministri ka publikuar edhe dokumentin e padisë.

Në dokumentin në fjalë thuhet se Stavileci do të përcaktojë shumën e dëmshpërblimit, pas ekspertizës së caktuar nga gjykata.

“Detyrohet i padituri z. Albin Kurti që paditësit z. Blerand Stavileci në emër të shpërblimit të dëmit jomaterial për shkak të deklaratës me përmbajtje shpifëse, t’ia paguajë shumën e cila do të përcaktohet pas ekspertizës së caktuar nga gjykata”, shkruan në dokument.