Wenger: Man United s’është kandidat për titull

Wenger: Man United s’është kandidat për titull

Arsene Wenger beson se Manchester Unitedi nuk ka shanse të luftojë për titull në Premierligë këtë sezon dhe dyshon nëse kjo gjeneratë e futbollistëve të “Djajve të kuq” mund t’ia rikthejnë madhështinë klubit.

Pas katër ndeshjeve në sezonin e ri – nga të cilat Unitedi e ka fituar vetëm një, e ka humbur një tjetër dhe ka barazuar dy herë të tjera – ish-trajneri i Arsenalit Wenger sheh potencial në skuadrën e Ole Gunnar Solskjaer por këmbëngul se nuk është skuadër e gatshëm për të qenë në krye, transmeton Gazeta Express.

“Kur e sheh Man Unitedin, e kupton se është ndër shembujt ku ka potencial. Por kjo skuadër ende nuk e ka gjetur mënyrën për të qenë kolektive”, tha Wenger për beIN Sports.

“Mbase këta futbollist nuk janë të pjekur mjaftueshëm për ta bartur një ekip si Man United. Kjo është pikëpyetja tani. Mund ta ndiesh se ka diçka që po del nga kjo skuadër, por e cila ende nuk është e gatshme. Kur i sheh duke luajtur ata, e kupton se nuk janë kandidatë për të luftuar për titull kampioni”, shtoi ai. /Gazeta Express/

Liga Angleze vjen me rregulla të reja për sezonin e ardhshëm

Liga Angleze vjen me rregulla të reja për sezonin e ardhshëm

Edicioni i ri në Ligën Angleze do ta sjell VAR-in, i cili do të përdoret për herë të parë nga sezoni 2019/2020, për ta lehtësuar edhe më shumë punën e gjyqtarëve.

Përpos VAR-it, do të kemi edhe ndryshime tjera në ligë. Bordi Ndërkombëtar i Futbollit në Angli ka bërë të ditur se në sezonin e ri do të ndryshohen disa rregulla. Liga Premier pritet që t’i ketë gjashtë rregulla të reja nga sezoni i ri, e të cilat do të hyjnë në fuqi që nga 1 qershori i këtij viti.

Këto do të jenë gjashtë rregullat e reja që do të futen në Ligën Premier nga sezoni 2019/2020:

Loja me dorë

Ka pasur disa rishikime të lojës me dorë në një ndeshje në pjesën e sulmit të skuadrës kundërshtare, por që tani do të jetë më e qartë. Loja me dorë nëse është e paqëllimshme nga ana e lojtarit, nuk do të referohet për penallti, por do të jetë si një gjuajte e lirë për anën kundërshtare.

Gjuajtjet e lira

‘Muri i gjallë’ siç njihet në futboll, më nuk do të vlejë për skuadrën kundërshtare. Te muri do të vendosen vetëm lojtarët e njërës ekip dhe jo më të dyja ekipet. Kjo gjë do ta lehtësojë më shumë punën e portierëve, që nganjëherë nuk mund ta shohin topin nga lojtarët kundërshtarë.

Penalltitë

Ky nuk është lajm i mirë për portierët. Ata nuk do të lejohen që të jenë jashtë vijës së portës apo edhe t’i prekin shtyllat e portës.

Zëvendësimet

Për të mos e humbur shumë kohën e ndeshjes, lojtarët që janë në fushë, në momentin që numri i tij shfaqet për zëvendësim, do të largohet nga fusha nga vija më e afërt anësorë që është dhe jo të vije më në qendër të fushë që ta kompletojë zëvendësimin.

Kartonët e verdhë dhe të kuq për trajnerët

Trajnerët e skuadrave duhet të kenë më shumë kujdes para se të ndëshkohen me kartonë të verdhë apo të kuq. Ata do të dënohen në të njëjtën mënyrë si lojtarët, andaj mund të mbesin deri së paku në tri ndeshje jashtë drejtimit të skuadrës.

Rregulli i lëshimit të topit

Rregulli e lëshimit të topit duket se tashmë i takon të kaluarës. Në sezonin e ri, një gjë e tillë më nuk do të përsëritet, pasi nëse një top është i diskutueshëm, atëherë do t’i kthehet skuadrës që e kishte herën e fundit në këmbë.

Guardian zgjedh pesë lojtarët më të mirë të Premier League

Guardian zgjedh pesë lojtarët më të mirë të Premier League

Me mbylljen e sezonit në Premier League, gazeta prestigjoze angleze Guardian ka publikuar emrat e 5 lojtarëve më të mirë të përzgjedhur nga lexuesit e gazetës.

Në listën me pesë emra nuk mund të mungonte gjigandi i mbrojtjes së Liverpoolit Virgil Van Dijk i cili u zgjodh edhe si lojtari më i mirë i sezonit nga shoqata e futbollistëve profesionistë të Premier League.

Janë dy lojtarët e The Reds të përzgjedhur nga Guardian pasi në 5 lojtarët më të mirë të edicionit 2018-2019 bën pjesë edhe mbrojtësi i krahut të majtë Andreë Robertson.

Dy janë edhe lojtarët që u përkasin kampionëve të Manchester City-it, portugezi Bernardo Silva dhe sulmuesi i krahut Raheem Sterling.

I vetmi lojtar që nuk është pjesë e dy skuadrave që luftuan për titull është koreno-jugori i Tottenham Son Heung-Min.

Hederson: City janë një prej ekipeve më të mira në botë

Hederson: City janë një prej ekipeve më të mira në botë

Kapiteni i Liverpulit, Xhordan Henderson, thotë se “reis”-at nuk kanë asnjë peng edhe pse e humbën titullin në javën e fundit. “Dhamë gjithçka, por asnjë peng. Kemi qenë të shkëlqyer gjatë gjithë sezonit dhe dhamë gjithçka në fushë. Duhet të përqendroheshim në ndeshjen me Uolvesin.

Nuk luajtëm shumë mirë, por morëm rezultatin dhe kjo ishte gjithçka kishte rëndësi. Humbëm vetëm një herë këtë sezon, njerëzit mund të flasin për barazimet e shumta, por ne dhamë gjithçka për t’i fituar ato ndeshje.

Dhamë gjithçka gjatë gjithë sezonit. Siti është një skuadër fantastike dhe duhet t’u heqim kapelën. Sezonin tjetër do të japim gjithçka për ta fituar”, tha mesfushori. Ndërsa mbrojtësi Aleksander-Arnold tha: “Jam i zhgënjyer. Është një goditje e rëndë, por Siti provoi se është një prej ekipeve më të mira në botë. Ne humbëm vetëm një ndeshje dhe duhet ta kishim fituar titullin, por përfundoi kështu si përfundoi dhe do provojmë sërish vitin tjetër”.

Sterling tregon arsyen e largimit nga Liverpool

Sterling tregon arsyen e largimit nga Liverpool

Ylli i Manchester Cityt, Raheem Sterling ka treguar arsyen kryesore pse e la Liverpoolin para katër sezoneve.

‘Qytetarët’ e fituan titullin për herë të dytë radhazi, pasi në fund triumfuan për shkak të një dallimi vetëm një pikë me ‘Të Kuqtë’.

E më i lumturi nga kjo duket të jetë Sterling, i cili ka treguar se trofet ishin arsyeja kryesore pse u largua nga ‘Anfield’, përcjell lajmi.net.

‘’Kjo është saktësisht ajo se për çfarë kam ardhur tek ky klub, për të fituar trofe, për të qenë pjesë e këtyre momenteve’’.

‘’Jam shumë i lumtur që po fitoj për herë të dytë Premier Ligën. Është fantastike, është e mrekullueshme’’, deklaroi Sterling.

Përveç triumfit kolektiv, ai fitoi edhe çmimin si ‘Lojtari më i mirë i ri’ për edicionin 2018-19. /Lajmi.net/

Salah i rikuperuar,do të luaj kundër Wolverhamptonit

Salah i rikuperuar,do të luaj kundër Wolverhamptonit

Mohamed Salah është rikuperuar tërësisht nga dëmtimi dhe është i gatshëm të paraqitet në ndeshjen të cilën sot Liverpool e luan kundër Wolverhamptonit, që është ndeshja e fundit e Premierligës angleze këtë sezon, raporton Anadolu Agency (AA).

Lajmi është konfirmuar nga klubi anglez finalist i Ligës së Kampionëve, nga ku thonë se Salah është i gatshëm për ndeshjen e sotme e cila luhet në ora 16:00 (koha jonë) në “Anfield”, në të cilën nëse Liverpool triumfon ndërsa Manchester City nuk shënon fitore në fushë mysafire te Brighton, atëherë “Reds” do të bëhen kampion i Anglisë, për herë të parë pas 29 vitesh.

Salah, i cili nga shkaku i dëmtimit nuk luajti në gjysmëfinalen e Ligës së Kampionëve kundër Barcelonës (4: 0), është golashënuesi i parë i ligës me 22 gola. Nëse mbetet edhe pas ndeshjes së sotme, do të bëhet lojtari i parë i Liverpoolit që ka marrë “këpucën e artë” për dy sezone të njëpasnjëshme.

Kujtojmë se lojtarët e Liverpoolit më 1 qershor në stadiumin Metropolitano në Madrid, do të luajnë finalen e Ligës së Kampioneve kundër Tottenhamit.

Kjo është nota për Xherdan Shaqirin, që u aktivizua pas një kohe

Kjo është nota për Xherdan Shaqirin, që u aktivizua pas një kohe

Futbollisti Xherdan Shaqiri tregoi lojë shumë të mirë dhe ishte ndër më të mirët në fushën e lojës për Liverpoolin, ku fituan me rezultat 3:2 në konak të Newcastles, në ndeshjen e javës së parafundit (37-të) të Premier League.

Shaqiri u aktivizua në minutën e minutën e 66-të në vend të Wijnaldum dhe u vlerësua me notë të mirë nga britanikja “Daily Mail”. Robertson i Liverpoolit është lojtar i ndeshjes, ndërsa Shaqa pas një kohe të gjatë u aktivizua jo si titullar por si zëvendësues.

Për Liverpoolin shënuan Van Dijk (13′), Salah (28′), Origi (85′) dhe për Newcastlen Atsu (20′) e Rondon (54′). Liverpooli kryeson me 94 pikë, ka një ndeshje më shumë dhe pikë se Manchester City që renditet në pozitën e dytë.

Guardiola: Ky është një kurth, po na vënë gjithnjë nën presion

Guardiola: Ky është një kurth, po na vënë gjithnjë nën presion

Renditja e Premier League ndryshon çdo fundjavë dhe pas fitores dramatike 3-2 ndaj Newcastle tashmë në majë është sërish skuadra e Liverpool.

Kjo fitore ka vënë nën presion skuadrën e Manchester City, që i duhet fitorja ndaj Leicester në përballjen e ditës së hënë për t’u rikthyer sërish në krye.

“Një situatë që nuk më pëlqen, pasi ndihemi gjithnjë sikur jemi futur në kurth nga rivalët. Kjo na vë nën presion, pasi na duhet të fitojmë gjithnjë për t’u rikthyer në krye dhe fituar Premier League”, u shpreh trajneri Pep Guardiola.

Trajneri spanjoll është i vetëdijshëm se i duhet të fitojë ndaj Leicester për t’u rikthyer në krye, duke parë se Liverpool është në kuotën e 94 pikëve, 2 më shumë se City. “Për ne kampionati është objektivi kryesor i mbetur. Ndaj nuk do të heqim dorë, sidomos tani që jemi shumë pranë”, tha Guardiola.

“Janë edhe dy javë, ndaj duhet të fitojmë në të dyja sfidat e mbetura. Liverpool po bën diçka të jashtëzakonshme, por po ashtu edhe ne, pasi po përsëritim një tjetër sezon fantastik. Duhet vetëm të jemi të qenë dhe të luajmë ashtu siç dimë dhe në fund do t’ia dalim mbanë”, thotë Guardiola.

Premtimi bosh i Klopp: “Po nuk fitova titullin në katër vite …”

Premtimi bosh i Klopp: “Po nuk fitova titullin në katër vite …”

Jurgen Klopp iu bashkua Liverpulit në verën e vitit 2015, pasi kishte arritur gjëra të mëdha me skuadrën e Borusia Dortmundit. Tekniku gjerman gjatë prezantimit të tij tek të kuqtë e “Merseyside”, tha se nëse nuk e fiton të paktën një titull kampion në katër vite, do të largohet drejt kampionatit zviceran.

“Nuk dua që të krijohet menjëherë presion mbi skuadrën time”, tha Klop në verën e vitit 2015. “Kini durim dhe më jepni katër sezone, deri atëherë do të kemi fituar të paktën një titull kampion. Nëse jo, do të largohem për të drejtuar në Zvicër”.

Në fund të këtij sezoni, skadon dhe ky afat kohor i vendosur nga vetë trajneri gjerman dhe mbetet për t’u parë nëse ai do të largohet drejt Zvicrës.

Arsenal i vë syrin mesfushorit 30-milionësh të Barcelona-s

Arsenal i vë syrin mesfushorit 30-milionësh të Barcelona-s

Arsenal raportohet se po konsideron blerjen e mesfushorit të Barcelona-s Andre Gomes, aktualisht lojtari është huazuar tek Everton, ku ka zhvilluar një sezon mjaft të mirë. 

Portugezi ka vuajtur të bindë në dy vitet e kaluara në Camp Nou, por në Premier League mesa duket ka gjetur ambientin ideal për të shfaqur aftësitë e tij. 

Arsenal do të tentojë ta blejë në fund të sezonit 25-vjeçarin. Ai thuhet të jetë pasardhësi ideal i Aaron Ramsey, i cili do t’i bashkohet Juventus-it në fund të sezonit. 

Te Barcelona do të transferohet Frenkie De Jong, kështu që për Gomes pritet një largim përfundimtar. 

Te Topçinjtë ai do të gjente Unai Emery, spanjolli e njeh shumë mirë aftësinë e tij.