Shqipëria arriti sukses të madh duke u kualifikuar në finalen e madhe të festivalit ‘Eurovision 2023’.
Artistja Albina dhe familja Kelmendi me këngën “Duje” ndezën skenën e Liverpoolit në mes të 15 shteteve të tjera konkurrente.
Shqipëria ishte shteti i parë që u kualifikuar për në finale ndërsa gëzimin e saj Albina e ka shprehur edhe në një postimi në rrjetet sociale.
Ajo tha se e dinte se kishte mbështetjen e publikut dhe se së bashkë do të arrinin në finale dhe se me plotë krenari dhe sukses do të niset edhe në finalen e së shtunës.
“E kam zemrën plot! Emocione unike e shumë të mëdha! E dija, ju kam ndjerë që jeni me mua që nga dhjetori e deri më sot. Kam besuar që bashkë do t’ja dilnim e ja ku jemi! Bashkë drejt finales, me ju të shtunën plot krenari e sukses! Ju dua”, ka shkruar Albina.
Ndërkohë shtetet e tjera që mbrëmë arritën të kualifikohen për finale janë: Qipro, Estonia, Belgjika, Austria, Lituania, Polonia, Australia, Armenia dhe Sllovenia.