Për shkak të tragjedive që kanë prekur thellë gjithë shoqërinë, Qeveria e Serbisë ka vendosur që viti shkollor të përfundojë më 6 qershor në të gjitha shkollat fillore dhe të mesme në Serbi.
Shkollat mund të vazhdojnë punën deri më 20 qershor, për nxënësit që dëshirojnë ta bëjnë këtë, thuhet në njoftim.
Sistemi arsimor në Serbi është krijuar me qëllim që të ofrojë mbështetje adekuate për të gjithë nxënësit, duke i inkurajuar ata në rrugën e mësimit dhe duke u mundësuar që të rriten në individë të shëndetshëm, të vetëdijshëm dhe të përgjegjshëm. Në këtë moment është më e rëndësishme se kurrë të fokusohemi në atë që është më e mira për fëmijët tanë, sepse ata meritojnë mbështetjen, dashurinë dhe kujdesin tonë të plotë, thuhet në deklaratën e qeverisë, duke shtuar se për këtë është marrë vendimi për mbylljen e vitit shkollor më 6 qershor, raporton Tanjug, transmeton Spektri
Për ata që duan të punojnë deri më 20 qershor, në atë periudhë orë plotësuese dhe përgatitore, orë në natyrë, si dhe forma të tjera të punës edukative, me qëllim të nxitjes së aftësive sociale dhe emocionale të nxënësve dhe aktiviteteve në temat e tolerancës, mund të zbatohet empatia, bashkimi, mbështetja dhe mirënjohja.
Është e rëndësishme të theksohet se të gjithë nxënësit që nuk janë të kënaqur me suksesin e tyre do të kenë mundësi të përmirësojnë notat me kërkesën e tyre personale deri më 20 qershor./Spektri