Mbrojtësi i Borussia Dortmundit, Mats Hummels ka reaguar më në fund duke treguar se ndihet i hidhëruar me vendimin për ta lënë jashtë skuadrës së Kombëtares së Gjermanisë për Euro 2024.
Skuadra e Gjermanisë është e kompletuar për Euro 2024 dhe fatkeqësisht Hummels mbeti jashtë saj.
Ekziston një besim se Hummels nuk do të lulëzonte si lojtar zëvendësues për shkak të shqetësimeve rreth trazirave të mundshme. Por, ylli i Dortmundit e ka mohuar këtë.
“I thashë Nagelsmannit: ‘Unë do të ulem në stol dhe mund të jem gjithashtu qendërmbrojtësi i pestë’ – do ta kisha bërë këtë. Ai e dinte qëndrimin tim. Doja që ai ta dinte këtë”.
“Por, nëse e kuptova saktë, ai shqetësohej edhe për gjëra të tjera përveç pranimit të një roli zëvendësues. Siç e kuptova, ishte më tepër për gjëra të lidhura me moshën dhe formën”, përfundoi ylli i Dortmundit.
Ndryshe, Hummels ka treguar një formë të shkëlqyer kohët e fundit duke u bërë lojtari i ndeshjes në të dyja gjysmëfinalet kundër PSG-së, kështu që ai ndoshta mund ishte të paktën një zëvendësues i besueshëm në kombëtaren gjermane. /Telegrafi/