– Nëse Skocia fiton ndaj Danimarkës dhe Uellsi triumfon ndaj Maqedonisë së Veriut, kundërshtarët e mundshëm për Kosovën dhe Shqipërinë në gjysmëfinale janë: Polonia, Uellsi, Sllovakia ose Republika Çeke .
– Nëse Skocia fiton, por Uellsi nuk e mposht Maqedoninë e Veriut, atëherë kundërshtarët e mundshëm mbeten: Polonia, Sllovakia, Çekia ose Republika e Irlandës.
– Nëse Skocia nuk fiton, por Uellsi triumfon, atëherë Polonia zë vendin e Skocisë në vazon e parë, ndërsa në vazon e dytë mbeten: Skocia, Uellsi, Sllovakia dhe Çekia.
– Nëse as Skocia, as Uellsi nuk fitojnë, atëherë vazoja e dytë përbëhet nga: Skocia, Sllovakia, Republika Çeke dhe Republika e Irlandës.
– Ky skenar vlen vetëm nëse Sllovakia nuk fiton ndaj Gjermanisë si mysafir .
Rezultatet e fundit e kanë qartësuar më shumë situatën: fitorja e Irlandës ndaj Hungarisë dhe humbja e Shqipërisë nga Anglia kanë hedhur poshtë të gjitha variantet për një përballje direkte, Shqipëri – Kosovë.
Si pjesë e vazon së tretë, gjysmëfinalet do të jenë ndeshje të vetme, ku si Kosova, ashtu edhe Shqipëria, do të luajnë si mysafir ndaj kundërshtarëve nga vazoja e dytë. Vendin pritës për finalen do ta përcaktojë shorti i të enjtes, që do të vendosë gjithçka për rrugëtimin drejt Botërorit 2026.
Kosova dhe Shqipëria hyjnë në këtë fazë në mars, duke shpresuar që formacionet dhe yjet e tyre të sjellin surpriza dhe rezultate pozitive, edhe pse çdo ndeshje do të jetë sfiduese.