Meta tha të mërkurën se reklamuesit do të duhet të zbulojnë përdorimin e platformave AI për reklama mbi çështje sociale, elektorale ose politike që përshkruajnë njerëz ose ngjarje reale.
“Ne po shpallim një politikë të re për t’i ndihmuar njerëzit të kuptojnë kur një çështje sociale, zgjedhore ose reklamë politike në Facebook ose Instagram është krijuar ose ndryshuar në mënyrë digjitale, duke përfshirë përdorimin e AI. Kjo politikë do të hyjë në fuqi në vitin e ri dhe do të kërkohet globalisht”, tha Meta në një deklaratë.
Sipas politikës së re, reklamuesit duhet të zbulojnë sa herë që AI përdoret për reklama të çështjeve politike ose sociale që paraqesin imazhe ose video fotorealiste ose audio me tingull realist që është krijuar ose ndryshuar në mënyrë digjitale, por paraqitet si reale.
Kjo përfshin reklama që përshkruajnë një person real teksa thotë ose bën diçka që nuk e kanë thënë apo bërë. Çdo reklamë që përdor AI ose krijim digjital që përshkruan një person me pamje realiste që nuk ekziston ose një ngjarje me pamje realiste që nuk ka ndodhur, gjithashtu duhet të zbulohet.