Neymar u kthye në stërvitje me grupin pas gati një viti

September 30, 2024

Redaksia Spektri

Sulmuesi brazilian Neymar ka njoftuar rikthimin e tij në stërvitjet kolektive të Al-Hilal, pas gati një viti pushim për shkak të një dëmtimi të rëndë në gjurin e majtë.

Futbollisti 32-vjeçar brazilian iu bashkua Al-Hilal në gusht 2023 nga PSG, por dëmtoi ligamentin kryqëzues dhe meniskun e tij më 17 tetor në një ndeshje kualifikuese për Kupën e Botës 2026 midis Brazilit dhe Uruguait.

“Jam i lumtur që jam rikthyer”, ka shkruar Neymar në portugalisht në llogarinë e tij në Instagram, ku ka postuar foto në fushë me bashkëlojtarët e tij.

“Lojtari u kthye në stërvitje individuale tashmë në korrik. Rikthimi i tij zyrtar “varet nga përgatitja e tij teknike dhe vendimi i trajnerit”, deklaroi një zyrtar i klubit.

Al-Hilal ende nuk e ka përfshirë Neymarin në listën e pjesëmarrësve për kampionatin saudit, i cili ka nisur në gusht, por ai është në atë të kampionatit aziatik. 
 
Mungesa e yllit brazilian, i cili sipas mediave paguhet rreth 100 milionë euro në sezon, nuk ndikoi në rezultatet e Al-Hilal, i cili sezonin e kaluar fitoi kampionatin kombëtar dhe vendosi një seri historike prej 34 fitoresh radhazi në gara të ndryshme. /Telegrafi/  