Pep Guardiola u ankua se Manchester City nuk ka kohë të mjaftueshme për t’u përgatitur për ndeshjen e tyre në Premier League kundër Evertonit pas përballjes me Real Madridin.
City barazoi 1-1 me Real Madridin në ndeshjen e parë gjysmëfinale të Ligës së Kampionëve të martën dhe duhet të përballet me Everton në një ndeshje vendimtare që mund të ketë implikime masive në garën për titullin e Premier League.
Mungesa e kohës përgatitore ka mërzitur Guardiolën, i cili u ankua për orarin e ngjeshur, transmeton Klankosova.tv.
“Ne nuk kemi shumë kohë nga Madridi sepse luajmë të dielën, faleminderit shumë”, tha ai në një konferencë për shtyp.
“Por është një prioritet i vërtetë, i vërtetë, Goodison Park. Ne luajmë për të gjitha garat. Katër ndeshje kanë mbetur në Premier League dhe është e rëndësishme për ne që të jemi atje, për të mbajtur atë për të cilën luajmë në duart tona. Ne stërvitemi nesër dhe duhet të përgatitemi sa më mirë”.
Ndeshja e Cityt në Everton do të luhet vetëm një ditë pas Eurovision Song Contest, i cili zhvillohet në Liverpool të shtunën mbrëma.
“Nuk është zhgënjyese, është ajo që është. Sa herë mund të komentoj për këtë? Jam i sigurt që Premier League dëshiron të ndihmojë ekipet, ata nuk duan të na bëjnë të pakëndshëm, problemi është orari. Unë mendoj se ne nuk mund të luajmë të shtunën sepse ka Eurovizion dhe nuk kemi trupa të mjaftueshëm ose aftësi për të trajtuar kaq shumë njerëz [në Liverpool].”/Klan Kosova