Punëtorët e administratës publike në Kosovë do të marrin pagën e 13-të në fillim të vitit 2026, konfirmoi Kryeministri në detyrë, Albin Kurti, gjatë një vizite në Telekomin e Kosovës.
Ai theksoi se vendimi për buxhetin e vitit të ardhshëm, duke përfshirë edhe këtë pagesë, do të dërgohet për miratim në mbledhjen e parë të Qeverisë së re.
“Për të gjithë punëtorët e administratës publike me ligjin e buxhetit për vitin 2026-të, të cilin e kaluam njëherë në mbledhjen e Qeverisë me 31 tetor sivjet, pra të cilin tash në legjislaturën e 10 kur të konstitutohet Kuvendi do ta kalojmë në dy lexime,” tha Kurti.