Qindra-mijëra faqe materiale i ka propozuar Prokuroria e Hagës për t’u pranuar si prova në gjykimin ndaj krerëve të UÇK-së. Ato përshkruajnë dhe sipas ZPS-së, japin detaje për organizimin e UÇK-së në zonën e Llapit. Por, kah i ka siguruar Prokuroria këto prova? Nacionale sjell detaje nga parashtrimet.
Aksionet e bastisjet e ushtrisë apo policisë serbe në kohën e luftës nëpër bazat e UÇK-së, duket se po i hyjnë në punë 25 vjet pas Prokurorisë së Specializuar në Hagë.
Materiale të tilla të siguruara nga autoritetet serbe në zonën e Llapit, po i shfrytëzon Zyra e Prokurorit të Specializuar, dhe këtë e kanë konfirmuar edhe vet në një parashtrim dorëzuar te grupi gjykues.
Në parashtresën e Prokurorisë të cilën e ka parë Nacionale, Prokuroria vet e konfirmon se materialet e tilla janë siguruar në bazët e UÇK-së nga autoritetet serbe.
“Së fundi, përderisa dëshmia e origjinës ose e autorësisë nuk kërkohet, prejardhja e secilës prove të propozuar. Përveç një artikulli të konfiskuar nga Prokuroria nga shtëpia e Rexhep SELIMIT, shumica e materialeve të Propozuara ishin: ( i) sekuestruar nga autoritetet serbe nga bazat dhe pjesëtarët e UÇK-së gjatë periudhës së aktakuzës; ose (ii) sekuestruar gjatë bastisjeve të UNMIK-ut në banesën dhe zyrën e oficerit të inteligjencës së zones së Llapit, Naim KADRIU, rezidencën e Latif GASHI-t dhe shtabin e SHIK-ut në Prishtinë në Prishtinë. Kadri VESELI dhe Latif GASHI kishin zyrat e tyre në këto seli nga mesi i vitit 1999 deri në të paktën 2002, kur u konfiskuan materialet përkatëse të Propozuara”, thuhet në këtë dokument, raporton Nacionale.
Në këtë parashtrim, Prokuroria e Specializuar ka kërkuar të pranohen me qindra-mijëra faqe dokumentesh, të cilat sipas tyre, dëshmojnë për organizimin dhe strukturën e mirëfilltë të UÇK-së në zonën e Llapit.
Çfarë thuhet në këto prova?
Në këtë parashtresë të Zyrës së Prokurorit të Specializuar, kryeprokurorja Kimberi West thekson se dokumentet dëshmojnë për organizimin e nivelit të lartë në zonën e Llapit. Bashkëpunimin me Shtabit e Përgjithshëm, zbatimin e urdhrave e ndalimin e personave nëpër qendra të ndalimit.
“Provat e propozuara vërtetojnë dhe plotësojnë dëshmitë dhe dëshmitë dokumentare, si dhe faktet e gjykuara, të cilat, të marra së bashku, demonstrojnë: (i) nivelin e lartë të organizimit të UÇK-së dhe PGoK-së, duke përfshirë ZO-në e Llapit, gjatë periudhës së aktakuzës; (ii) se anëtarët e UÇK-së në Zonën e Llapit kanë vepruar nën autoritetin dhe në përputhje me udhëzimet e të akuzuarve, Shtabit të Përgjithshëm dhe, pas formimit të tij, PGoK-së; dhe (iii) se anëtarët e NPK-së, duke përfshirë të akuzuarit dhe anëtarët e caktuar të UÇK-së në ZQ të Llapit, si Rrustem MUSTAFA dhe Latif GASHI, kishin të përbashkët qëllimin kriminal, të cilin e zbatuan personalisht dhe përmes strukturave në vend”, thuhet në këtë parashtrim, raporton Gazeta Nacionale.
Parashtrimi flet për disa takime të Thaçit e të tjerëve që po akuzohen në Hagë, me përfaqsues të zones së Llapit.
“Komanda e Zonës së Llapit mbante takime, ishte përgjegjëse për të gjitha njësitë e UÇK-së në Zonë dhe shpesh në kontakt me komandantët vartës, dhe ishte e detyruar të ishte dhe ishte në kontakt me Shtabin e Përgjithshëm (përfshirë të Akuzuarit), duke bërë raporte dhe duke marrë urdhra. Komanda e Llapit ka pasur bashkëpunim të ngushtë edhe me zona të tjera, duke përfshirë zonën e afërt të Shalës dhe të Karadakut,13 të cilat, nganjëherë, kanë qenë të vendosura në lokacione dhe kanë luftuar me ushtarët e OZ-së së Llapit,14 siç pasqyrohet në Ekspozita të propozuara që kanë të bëjnë, ndër të tjera, me kufizimet e lëvizjes, autorizimet e udhëtimit, trajnimin, strukturën, organizimin dhe ‘luftën speciale’”, thuhet në dokument më tutje.
Prokuroria përmend emrat e Latif Gashit, Nazif Mehmetit e personave të tjerë. Prokuroria ka përmendur rastin e ndalimit të Fadil Syleviqit, dhe gjithashtu funksionet e Policisë ushtarake.
“Policia ushtarake ishte përgjegjëse, ndër të tjera, për ekzekutimin e urdhrave të arrestimit, dërgimin e thirrjeve dhe ruajtjen e objekteve të paraburgimit.32 Ndër provat e propozuara janë urdhrat e policisë ushtarake, të lëshuara në përputhje me rregulloret e UÇK-së dhe/ose nën kërcënimin e forcës në rast mospërputhjeje. , ndër të tjera: (i) për bashkëpunëtorët që të ndalojnë aktivitetet e tyre, për shembull, ‘duke prerë fjalën për përfitime tregtare në bashkëpunim me autoritetet okupuese’; 33 (ii) për sigurimin e pasurisë, si armët, automjetet dhe radiot;34 dhe (iii) lidhur me ndalimin dhe lirimin”, thuhet aty.
“Një sërë ekspozitash të propozuara kanë të bëjnë veçanërisht me arrestimin, marrjen në pyetje dhe ndalimin e bashkëpunëtorit të supozuar Fadil SYLEVIQ. Komandanti Remi e autorizoi arrestimin e tij dhe e mori në pyetje.41 Ndërsa një numër individësh, duke përfshirë Fadil SYLEVIQ, u ndaluan në Bare dhe Bajgorë/Bajgora në gusht të vitit 1998,42 një delegacion i Shtabit të Përgjithshëm i përbërë, ndër të tjera, nga Hashim THAÇI, Rexhep SELIMI dhe Jakup KRASNIQI vizituan zonën e Llapit”, theksohet aty.
Në një pjesë përmendet Kadri Veseli e Rexhep Selimi.
“Më tej, policia e zonës së Llapit dhe shërbimet e inteligjencës bashkëpunonin ngushtë me, zbatonin urdhrat dhe raportonin tek autoritetet e PGoK-së, duke përfshirë edhe SHIK-un, nën kryeshefin Kadri VESELI dhe drejtorin e përgjithshëm Latif GASHI (i cili gjithashtu vazhdoi të vepronte si shef i inteligjencës në OZ-në e Llapit. ),65 dhe Ministrisë së Rendit Publik, nën Rexhep SELIMI. Provat e propozuara që kanë të bëjnë me verën e vitit 1999 demonstrojnë organizimin e UÇK-së në ZL Llap, në veçanti, policinë dhe shërbimet e inteligjencës dhe kapacitetin e tyre për të kryer hetime, duke përfshirë: (i) nxjerrja, në shabllone të standardizuara dhe në përputhje me rregulloret e UÇK-së, urdhra dhe thirrje;69 (ii) konfiskimi dhe ndarja e pasurisë,70 dhe pranimi i ankesave;71 (iii) disiplinimi i ushtarëve, duke përfshirë ‘gënjeshtra dhe shkelje të ligjit ushtarak’”, bëhet e ditur në parashtresë.
Prokuroria ka dorëzuar listë me emra të personave të ndaluar.
“SITF00069013-SITF00069013/SITF00069013-SITF00069013-ET104 është një listë e personave të cilët ishin të ndaluar në Llapashticë nga Policia Ushtarake e zonës së Llapit më 18 shkurt 1999, sipas listës së caktuar, sipas orarit të datës 18 shkurt 1999. viktimat ishin në mesin e personave të mbajtur në vendin e akuzuar për krim në Llapashticë/Lapaštica dhe gjithashtu tregon se sa kohë kanë qenë në paraburgim dhe për çfarë arsye”, përfundon parashtresa.