Ndryshimet në sjelljen e qenit gjatë dimrit janë normale, por ka raste kur duhen marrë seriozisht
Shumë pronarë shqetësohen kur vërejnë ndryshime në sjelljet e kafshëve të tyre shtëpiake, një prej tyre është pikërisht ulja e sasisë së ujit që qentë pijnë gjatë muajve të ftohtë.
Sipas ekspertëve, kjo është një dukuri krejtësisht e zakonshme, por megjithatë është e rëndësishme të sigurohemi që qentë të mbeten të hidratuar.
Kjo sjellje shfaqet sepse trupi i qenit humb më pak lëngje në dimër, ngjashëm me njerëzit që gjatë verës ndjejnë më shumë etje. Veterineri James Greenwood shpjegon se kjo nuk duhet të shkaktojë panik:
“Gjatë muajve të ftohtë, është plotësisht normale që qentë të pijnë më pak ujë. Me uljen e temperaturave, organizmi i tyre ruan më mirë lëngjet”, thotë ai.
“Ata gogësijnë më pak dhe nuk djersiten, ndaj humbja e lëngjeve është dukshëm më e vogël krahasuar me verën. Për më tepër, ndjesia e etjes reduktohet natyrshëm në të ftohtë, ndaj ata nuk ndiejnë të njëjtën nevojë për të pirë.”
Megjithatë, Greenwood thekson se ajri i thatë dimëror mund të ndikojë te hidratimi i qenit, ndërsa uji mbetet i domosdoshëm për rregullimin e temperaturës së trupit dhe funksionimin normal të tretjes,
Katër mënyra të thjeshta për ta inkurajuar qenin të pijë më shumë ujë në dimër 1. Ofroni ujë me temperaturë ambienti Ndryshe nga ne, që shpesh freskohemi me ujë të ftohtë, qeni në dimër mund të mos e preferojë. Jepini ujë të vakët ose të temperaturës së dhomës, shpesh do ta gjejë më të këndshëm.
2. Zgjidhni ushqim të lagësht Ushqimi i lagësht përmban 60-80% ujë, krahasuar me vetëm 3-12% te ushqimi i thatë.
3. Vendosni më shumë tasa me ujë nëpër shtëpi Një zgjidhje shumë e thjeshtë, por jashtëzakonisht efikase. Shumë qentë “harrojnë” të pijnë nëse uji nuk u bie në sy. Nëse janë shtrirë rehat në një vend, shpesh nuk kanë dëshirë të ngrihen dhe të shkojnë në dhomën tjetër. Vendosja e disa tasave në vende strategjike i inkurajon të pijnë më shpesh.
4. Bëjeni hidratimin më tërheqës Nëse qeni vazhdon të pijë pak, transformojeni në aktivitet argëtues:
përdorni fontanë për kafshë , sepse uji në lëvizje e nxit kuriozitetin
provoni lodra interaktive që mbahen me ujë
përdorni shilte për lëpirje , të cilat reduktojnë stresin dhe i mbajnë mendërisht të angazhuar
Nëse qeni nuk fillon të pijë më shumë as pas këtyre mënyrave, veterinerët këshillojnë të bëhet një kontroll rutinë për të përjashtuar çdo problem shëndetësor.