Ish kryetari i Kuvendit Komunal dhe këshilltari i opozitës nga radhët e PVD-së Enver Ramadani, përmes një postimi ka reaguar në lidhje me punësimet e fundit të cilat janë bërë në Komunën e Bujanocit.
Raamadani ka theksuar se “Barazia në Serbi – vetëm në letër për shqiptarët e Luginës së Preshevës”, pasi që nuk është punësuar asnjë shqiptarë nga ana e insitucioneve shtetërore qëndrore të Serbisë.
Sipas Ramaadanit “Ndërhyrja e bashkësisë ndërkombëtare është thelbësore për të garantuar të drejtat e komuniteteve joshumicë në Serbi”.
Ky është reagimi i Ramadanit në rrjetet sociale:
“Barazia në Serbi – vetëm në letër për shqiptarët e Luginës së Preshevës
Republika e Serbisë, në narrativën zyrtare, promovon vlerat e barazisë, respektimit të të drejtave të njeriut dhe mundësive të barabarta për të gjithë qytetarët e saj, pavarësisht përkatësisë etnike apo fetare.
Por kur këto parime përballen me realitetin në Luginën e Preshevës, ato bien poshtë si fraza boshe që nuk pasqyrojnë asgjë nga praktika institucionale.
Shqiptarëve u mohohet në mënyrë sistematike dhe të vazhdueshme e drejta për punësim në institucionet shtetërore qendrore – përfshirë Ministrinë e Brendshme, administratën, gjyqësorin dhe sektorët e tjerë publikë.Edhe kur të rinjtë shqiptarë i përmbushin të gjitha kushtet ligjore dhe kalojnë të gjitha fazat e konkursit, ata nuk pranohen – jo për shkak të paaftësisë apo gjuhës, siç pretendohet nga përfaqësues të Trupit Koordinues, por për shkak të përkatësisë së tyre etnike.
Kjo është një shkelje e rëndë e të drejtave të njeriut dhe dëshmon se barazia në Serbi ekziston vetëm në letër.
Në komunat ku shqiptarët janë shumicë, si në Bujanoc, shteti kërkon ndarje të pushtetit përmes marrëveshjeve 50/50 me subjektet politike serbe – jo për bashkëjetesë, por për të ruajtur kontrollin.Këto marrëveshje shërbejnë si mjete për balancë formale, duke thelluar ndarjen ndëretnike dhe duke i përdorur shqiptarët si “dekor politik” në nivel lokal, ndërkohë që mbeten të përjashtuar nga strukturat shtetërore qendrore.
Faktori politik shqiptar ka propozuar masa afirmative për integrimin e shqiptarëve në polici, administratë, gjyqësor dhe institucione të tjera.Të gjitha janë refuzuar!
Këto masa nuk janë privilegj etnik – ato janë mekanizma të nevojshëm për të korrigjuar padrejtësitë historike dhe për të ndërtuar një shtet funksional dhe gjithëpërfshirës.
Përjashtimi sistematik i shqiptarëve nga institucionet është diskriminim i heshtur – por shumë real!
Ndërhyrja e bashkësisë ndërkombëtare është thelbësore për të garantuar të drejtat e komuniteteve joshumicë në Serbi.
Masat afirmative nuk janë favore – janë domosdoshmëri për një shtet demokratik e të barabartë për të gjithë”!Kujtojmë se para disa ditësh në Administratën Tatimore në Bujanoc janë punësuar 4 serb ndëersa asnjë shipëtar, ndërsa shqiptarët përbëjnë rreth 63% të popullsisë së komunë së Bujnoci