Enkelejd Alibeaj jep dorëheqje nga drejtimi i PD-së dhe Grupit Parlamentar

Enkelejd Alibeaj ka bërë të ditur se ka dhënë dorëheqje nga drejtimi i Partisë Demokratike dhe nga pozita e shefit të Grupit Parlamentar të kësaj partie në Kuvendin e Shqipërisë.

Ai, në një konferencë për media, ka thënë se kjo parti duhet që të ketë një ndryshim brenda saj. Po ashtu, ka përmendur edhe arritjet që i ka në këtë subjekt politik prej se është në krye të tij.

“Më shumë se një vit kam qenë drejtues i Partisë Demokratike, në kohën më të vështirë të saj, në kohën kur është vënë në pikëpyetje mbijetesa e partisë. Partisë që solli pluralizimin në Shqipëri, mbijetesa e partisë së të djathtëve shqiptarë, mbijetesa perëndimore e partisë demokratike dhe euroatlantike”.

“Shifrat e proporcionalit tregojnë që Partia Demokratike arriti që ta kalojë këtë sfidë, arriti të mbijetojë dhe tani të shoh drejtë së ardhmes. Me këtë rast dëshirojë të shpreh konsideratën dhe mirënjohjen e partisë të gjithë njerëzve që vendosën fatin e partisë, ta familjes sonë politike para llogarive dhe pazareve mediokre”, ka thënë Alibeaj./Klankosova.tv