Sot në pjesën veriore të Mitrovicës janë vendosur grafite të reja nëpër sheshet kryesore.
Në grafite shkruhet “Nga data 21.11 është detyrë e të gjithëve të rezistojnë në çdo hap! Brigada Veri”.
“Nuk ka dorëzim – Brigada e Veriut”, “Këtu jemi”, “Është obligim i secilit të refuzojë”.
Lidhur me rastin Policia e Kosovës tha se ka marrë veprimet e nevojshme për hetim dhe procedim të mëtejmë.
Në fund të gushtit ishin vendosur disa grafitë “Mos u shqetëso, këtu jemi – Brigada Veriore” dhe “NATO shko në shtëpi. Kjo është Serbi. Brigada e Veriut po rritet dita-ditës”.
Kujtojmë që nga 21 nëntori të gjithë shoferët që vozisin me targa ilegale do të gjobiten me nga 150 euro.